Kutuhuka 10:16 - MUKANDA USANDU WA ZAMBI 1975

¹⁶ Mba Falau yasanyika ni kapupushi Mose ni Arone, yamba ngwenyi, Hinavulumuna Yehova Zambi yenu. Hinavulumuna yenu nawa.

Mukanda Wa Zambi 1970

¹⁶ Mba mwanangana yatambika Mose ni Arane nikawashi, yaamba ngwenyi: “Chibi nalinga ku meso ja Mwene Zambi, Zambi yenu, ni ku meso jenu.

Kutuhuka 10:16 Iomraidhean Croise

2 Samuel 19:20

Mumu yami kavumbi kenu ngunanyingika ngwami, Nanuvulumwine. Kashika hineza musono mwe mutangu hakachi ka munyachi wa José kupalumuka mukupatwiza mwene wami mwanangana.

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

Kutuhuka 8:25

Falau yasanyika Mose ni Arone ngwenyi, Yénu nulambule yitapo kuli Zambi yenu, muno mwene mu chifuchi.

Kutuhuka 8:8

Mba Falau yasanyika Mose ni Arone, ngwenyi, Liumbenu kuli Yehova anguchize yula-ya-mbwota kuli yami, ni kuli atu jami, mba mungukecha e atu aye akalambule yitapo kuli Yehova.

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Kwalula 21:7

Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Kwalula 22:34

Mbalau yamba kuli mungelo wa Yehova ngwenyi, Hinavulumuna; mumu Chanyingikine yena wamana mu jila mukulimika ni yami. Haliapwila, kashika, nyi chinakupihila, munguhiluka kunyima.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

1 Samuel 15:24

Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.

1 Samuel 26:21

Saulu yamba ngwenyi, Hinavulumuna mwanami David. Hiluka mumu chichi kukulinga nawa chipi, mumu mwono wami wapwanga ulemu kumeso je musono. Hinalinga uhepuke. Hinapiasuka chikolo kuhiana.