Joele 3:9 - MUKANDA USANDU WA ZAMBI 1975

⁹ Ambululenu chino hakachi ka mavungu ngwenu, Lulikenu jita! Sungenu malunga a ndundo! Malunga eswe a jita eze, akanduke ku kuno.

Mukanda Wa Zambi 1970

⁹ “Ambululenu sango jino hakachi ka mavungu: ‘Lulikenu ha kuya ku jita; tambikenu tujita twenu a tachi; kungululenu tujita twenu eswe hanga nuye!

Joele 3:9 Iomraidhean Croise

Miaso (Masamu) 96:10

Ambenu hakachi ka mavungu ngwenu, Yehova kanayulu! Hashi kuhanakolo kuhechi kuhasa kunyika. Iye kumakayula atu nikulita.

Izaya 34:1

Enu, mavungu, kundamenu nwivwe, enu minyachi, panjikenu! Hashi kakevwe, ni waze eswe akuzalisaho, ni muno-muze ni yuma yeswe yakusemukamo.

Jeremia 31:10

Enu mavungu, panjikenu liji lia Yehova nukaliambulule ku yifuchi ya mbaka kusuku. Ambenu ngwenu, Yoze wamwangine Izalele kumakamukonga nawa ni kumufunga ngwe kafunga kakuhinga mapanga jenyi.

Jeremia 50:2

Amba ku mavungu nikukololoka; mika mbandeira nikukololoka; kanda uchisweka, amba ngwe, Babilonia hanayitambula, Mbele hanamukolesa sonyi, Merodach kanatatajala. Tuponya twenyi hanaakolesa sonyi, mahamba jenyi kanatatajala.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 51:27

Mikenu mbandeira hashi, humunenu chitavwi hakachi ka mavungu, lulikenu mavungu akase nenyi jita. Sanyikenu mawanangana akalimike nenyi. Ararate, ni Mini, ni Akanase; tongolenu kasongo ka maswalale alimike nenyi; nehenu tuvwalu ngwe makumbi a tachi.

Jeremia 6:4

Lulika jita ya kulimika nenyi ngwo; Katukenu tumulambe tangwa ha muchima! Lamba lietu mumu tangwa linasendala, yizulie ya chingoloshi yinasuha.

Ezekiel 38:17

Mwene Yehova kanambe ngwenyi, Yena uli mwe mutu natongwele ha shakulu ku makanwa ja tuvumbi twami aprofeta ja Izalele. Te ha matangwa aze aprofetezele miaka ngwo, Yehova makakukoka ukalimike no.

Ezekiel 38:7

Ulilulike, upwe wa kululika, ni yena ni yihuji ye yize hiyinalikungulula kuli yena, upwe kalayi ko.

Mika 3:5

Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Hagai 2:7

Mungunyika mavungu eswe, hanga upite wa mavungu eswe ukeze, mba munguzalisa zuwo lino ni uhenya. Chocho kanambe Yehova-wa-Tujita.

Zakaria 14:2

Mumu mungukakonga mavungu eswe akungulukile kulimika ni Yerusaleme ni jita. Makatambula che chihunda; makapupa mazuwo nikupikapika mapwo. Chihanda cha ha muchima cha chihunda muchiya ku unjize alioze masalila ja atu kechi kaateta ku chihunda.

Zakaria 14:3

Mba Yehova makatuhuka mukwasa jita ni mavungu aze ngwe akulinga ha tangwa lia jita.