Joele 3:7 - MUKANDA USANDU WA ZAMBI 1975

⁷ kashika mungwakatwisa kuze nwaalanjishile ngukahilwise chitanga chenu ha mitwe yenu.

Mukanda Wa Zambi 1970

⁷ Mungukaachiza kuze nwaalanjishile. Mungukanulinga ngwe chize nwalingile ayo.

Joele 3:7 Iomraidhean Croise

Estere 7:10

Chocho yasukika Hamane ha mutondo iye te halulika hali Mordekai. Mba ufwatulo wa mwanangana yiutula.

Izaya 11:12

Kumakamika mbandeira hali mavungu, kumakakungulula A-Izalele a kumbilambila, ni kukonga A-Yunda waze anamwangana ku mbango jiwana ja hashi.

Izaya 49:12

Wano kumakeza kusuku, ni wano kumakatuka ku Norte ni ku Chitokelo, ni wano ku chifuchi cha Sinime.

Izaya 66:6

Panjikenu, Chizungozungo cha mu chihunda! Liji lia mu tembele! Liji lia Yehova, kanafwetesa akwa kole jenyi!

Jeremia 23:8

alioze makamba ngwo, Ni mwono wa Yehova yoze wachijile ni kusongwela ana ja ku munyachi wa Izalele ku chifuchi cha ku Norte ni ku yifuchi yeswe kuze te hanaahumina. Mba matwama mu chifuchi cho ene.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 30:16

Kashika waze akukunongesa kumakanonga, akwa kole je eswe kumaya ku ufunge, e eswe lume. Waze mapunda upite we kumakaapunda. Waze eswe makupupa kumakapupiwa.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Ezekiel 36:24

Mumu mungukanuchiza ku mavungu, mungukanukonga ku yifuchi yeswe ngukanunehe ku chifuchi cha yenwene.

Ezekiel 38:8

Kulutwe lia matangwa anji makakukungulula; ha miaka ya kusula mukaya kulimika ni chifuchi chize hanachihwimisa ku jita ni kuchilulika; chifuchi kuze e atu haakonga ku mavungu anji ku milundu ya Izalele kuze kwapwile te puya ya miaka. Atu jako aachijile hakachi ka mavungu mba haliapwila kanatwama ni chipi kuchishiko—e eswe lume.

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Zakaria 9:13

Mumu hinanana Yunda ngwe uta wami, hinapwisa Eframe mwivu wami. Ena Zaione, mungulinga ni ane a malunga kulamba ana a malunga a yena Ngresia. Mungulinga ni yena ngwe uli katana wa kajita.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

2 A-TESALONIKA 1:6

se chapwa chuma cha ululi kuli Zambi kufweta luyinda kuli waze akunupinjisa;

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.

Usolwelo 16:6

Mumu amwangine manyinga ja asandu ni aprofeta, hiunaahe manyinga a kunwa; mumu kanatelo.

Usolwelo 19:2

Mumu upatwilo wenyi wamwenemwene ni wa ululi: mumu hanapatwila chikoi munene, yoze wapihishile hashi ni utanji wenyi, hanakale manyinga ja ndungo jenyi ku kwoko lienyi.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.