Joele 3:2 - MUKANDA USANDU WA ZAMBI 1975

² mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Mukanda Wa Zambi 1970

² Mungukakungulula mavungu eswe hamuwika ni kwatwala ku chikulo cha Yehosafate. Kwenako mungukaabatwila mumu ha yeswe yize haanalingi kuli atu jami. Yaamwangina Aisraele mu yifuchi ya yilambala ni kuhandununa Israele, chifuchi chami.

Joele 3:2 Iomraidhean Croise

2 Sango Ja Mianangana 20:26

Mba ha tangwa liamuchiwana yakungulukila mu chikulo cha Mberaka mumu kwenako yahalisa Yehova. Kashika jina lia kuma kuze ngwo, Chikulo cha Mberaka ndo musono.

Izaya 66:16

Mumu Yehova malinga upatwilo wenyi ni kahia ni katana ha musunya weswe, ni waze Yehova mashiha mapwa anji.

Izaya 66:18

Mumu ngunanyingika yitanga yo ni manyonga jo, mba nguneza ngukakonge mavungu eswe ni malimi akeze akamone uhenya wami.

Jeremia 12:14

Yehova kanambe ha kutwala kuli enyembo jami api, waze akukwata ku chihinga chize hinahana kuli atu jami A-Izalele ngwenyi, Mungwatukula ku chifuchi cho; mungutukula munyachi wa A-Yunda hakachi ko.

Jeremia 25:31

Chizungozungo muchikaheta ndo ku masongo a hashi, mumu Yehova kali ni chikuma kusuma nacho mavungu. Kanaputuka kusopa ni atu eswe a musunya, mba yingulungulu kumakaashiha ni katana. Chocho kanambe Yehova.

Jeremia 49:1

Ha kutwala kuli A-Amone. Yehova kanambe ngwenyi, Izalele te keshi ni ana a malunga? Swana keshi nenyi niumwe? Nyi chocho kuchi te Milikome hasalakana Ngate, ni atu jenyi hatwama mu yihunda yako?

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Ezekiel 25:8

Mwene Yehova kanambe ngwenyi, Mumu A-Moape ni A-Sere kakwamba ngwo, Munyachi wa Yunda chimuwika unapu ni mavungu akwo,

Ezekiel 34:6

Mapanga jami amwanganyine; endanganyine ha milundu yeswe, ni ha mundundena weswe usuku. Mapanga jami amwanganyine hashi heswe; kukushi yoze mahengula hanji kwafupa.

Ezekiel 35:10

Mumu wambile ngwe, Mavungu wano aali ni yifuchi yino yiali, yeswe muyikapwa niyami mba mutuyizuka—chipwe Yehova kokwene kwali—

Ezekiel 36:1

Ni yena mwana mutu, profeteza ku milundu ya Izalele ngwe, Milundu ya Izalele, ivwenu liji lia Yehova.

Ezekiel 36:5

kashika Mwene Yehova kanambe ngwenyi, Ngunahanjika ni ukwa wami usasu kulimika ni mavungu akwo, ni kulimika ni A-Endome eswe, waze ahanyine chifuchi chami kuli ayo ene achipite ni uwahililo wunji ni kaleleso mweswe akachipite ni kuchipupa.

Ezekiel 38:22

Mungukaputuka kusopa nenyi ni yilungo ni manyinga a kumwanga. Mungukanokesa hali iye ni yihuji yenyi, ni mavungu aze anji ali no, vula munji, ni chiwe, ni kahia, ni fundanga.

Ezekiel 39:11

Ha tangwa lize munguhana kuli Ngoke kuma kwenyi kwa kumufunda mu Izalele, Chana cha Ngeji, sali lia kalunga-lwiji ku Chivumbuko. Muchikakwika ngeji mumu kwenako Ngoke ni chihuji chenyi cheswe makaafunda, mba makatukako ngwo, Chana cha Hamone-ngoke.

Joele 3:12

Mavungu alisunge, akanduke ku chana cha Yehosofate, mumu kwenako mungutwama ni kusopesa mavungu eswe a kujingilika.

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Amose 1:11

Yehova kanambe ngwenyi, Mumu ha milonga yitatu ya Endome hanji yiwana, chichi kahilwisa kastigu, mumu yakaula mwanakwo ni katana nikumbila keke yeswe. Utenu wenyi wapapulwile matangwa eswe; wafungile ufwatulo wenyi wa mutolo.

Mika 4:12

Alioze kanyingikine manyonga ja Yehova. Chize Yehova hanalulika kuchaalumbunukine, iye hanaakungika ngwe yichita ku chizungwilo.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

Usolwelo 11:18

Ni mavungu atenukine, ni utenu we hiuneza, ni mwaka wa kupatwila afu, ni wa kwononona ndungo je, aprofeta ni asandu, ni waze akwivwa woma wa jina lie, ni akepe ni anene, mukwonwona waze akwonwona hashi.

Usolwelo 16:14

Mumu o maspiritu ja ndemoniu, nikulinga yilayi; waze akutuhuka nikuya kuli mianangana ja yifuchi yeswe ya hashi, mukwakungulula ku jita ya tangwa linene lia Zambi ya Ndundo-Jeswe.

Usolwelo 16:16

Iye waakungulwile kuma kuze anavulukako mu Hepreu ngwo, Armangendone.

Usolwelo 16:6

Mumu amwangine manyinga ja asandu ni aprofeta, hiunaahe manyinga a kunwa; mumu kanatelo.

Usolwelo 20:8

makatuhuka mukupiangula mavungu waze ali ku mbango jiwana ja hashi, Ngoke ni Mangoke, mukwakungulula ku jita: ha kwaalula kanapu ngwe masekeseke a ku kalunga-lwiji.