Joele 3:12 - MUKANDA USANDU WA ZAMBI 1975

¹² Mavungu alisunge, akanduke ku chana cha Yehosofate, mumu kwenako mungutwama ni kusopesa mavungu eswe a kujingilika.

Mukanda Wa Zambi 1970

¹² “Mavungu chaatamba kulilulika eze ku chikulo cha Yehosafate. Kwenako yami, Mwene Zambi, mungukatwama ni kubatwila mavungu eswe waze aajingilika.

Joele 3:12 Iomraidhean Croise

2 Sango Ja Mianangana 20:26

Mba ha tangwa liamuchiwana yakungulukila mu chikulo cha Mberaka mumu kwenako yahalisa Yehova. Kashika jina lia kuma kuze ngwo, Chikulo cha Mberaka ndo musono.

Miaso (Masamu) 7:6

Katuka kama Yehova ni utenu we; katuka mumu ha ufwatulo wa akwa kole jami: ulaule kama hali yami; yena hiwasela upatwilo.

Miaso (Masamu) 96:13

kumeso ja Yehova mumu kaneza. Kaneza mukupatwila akwa hashi, kumakapatwila muno-muze ni ululi, ni mavungu kumakaapatwila ni umwenemwene.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Izaya 2:4

Iye makapatwila mavungu, makasela yiyulo hali minyachi yinji. O makalumuna tutana two akapwe yikungo ya sharua, makalumuna makunga jo akapwe poko ja kululika mitondo ya mihuko. Akwa vungu limwe kechi kasa jita ya katana ni akwa vungu likwo; kechi kalilongesa nawa kwasa jita.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Izaya 3:13

Yehova heza kuma kwenyi akasope, hamana akapatwile atu jenyi.

Ezekiel 30:3

Mumu lie tangwa hiliakundama; lie tangwa lia Yehova hiliakundama. Kumulikapwa tangwa lia malelwa; mwaka wa akwa mavungu.

Ezekiel 39:11

Ha tangwa lize munguhana kuli Ngoke kuma kwenyi kwa kumufunda mu Izalele, Chana cha Ngeji, sali lia kalunga-lwiji ku Chivumbuko. Muchikakwika ngeji mumu kwenako Ngoke ni chihuji chenyi cheswe makaafunda, mba makatukako ngwo, Chana cha Hamone-ngoke.

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Joele 3:2

mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Mika 4:3

Iye kumakapatwila mavungu anji ni kukanjisa mavungu a tachi kusuku; mba kumakalumuna tutana two mu yikungo ya sharua, ni makunga jo makalumuna mu poko ja kululika mitondo. Vungu kulichi kakwata katana kulimika ni vungu likwo. Kechi kalilongesa jita nawa nilimwe tangwa,

Zakaria 14:4

Ha tangwa lize yiliato yenyi muyikamana ha mulundu wa Olevwe uze uli kulutwe lia Yerusaleme sali lia ku Chivumbuko. Mulundu wa Olevwe muukapulika yihanda yiali chize ku sali lia Chivumbuko ndo ku sali lia Chitokelo ngwe mungulunga unene chikolo, chocho chihanda chimuwika cha mulundu muchisetuka ku Norte ni chihanda chikwo ku Sule.

Usolwelo 19:11

Mba namwene lilu lia kwazulula; ni kumanyi, kavwalu mutoma, ni yoze unatwamako anamuvuluka ngwo, Wamwenemwene, Keshi-mahuza; iye yapatula, yasa jita ni ululi.