Joele 3:10 - MUKANDA USANDU WA ZAMBI 1975

¹⁰ Fulenu yikungo ya sharua yikapwe tutana; poko jenu ja kululika mitondo ya mihuko jikapwe makunga. Alelu ambe ngwo, Tuli yitakame.

Mukanda Wa Zambi 1970

¹⁰ Andenu matemo jenu nufule mikwale; andenu poko jenu nufule makunga. Atu alelu alisambe ngwo, tuli yitakame.

Joele 3:10 Iomraidhean Croise

2 Sango Ja Mianangana 25:8

Alioze nyi muoya, hihamuka, utakame ha jita, mumu Zambi makunungwina hashi kumeso ja akwa kole je mumu Zambi kali ni ndundo ja kukwasa ni ndundo ja kununguna.

Izaya 2:4

Iye makapatwila mavungu, makasela yiyulo hali minyachi yinji. O makalumuna tutana two akapwe yikungo ya sharua, makalumuna makunga jo akapwe poko ja kululika mitondo ya mihuko. Akwa vungu limwe kechi kasa jita ya katana ni akwa vungu likwo; kechi kalilongesa nawa kwasa jita.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Mika 4:3

Iye kumakapatwila mavungu anji ni kukanjisa mavungu a tachi kusuku; mba kumakalumuna tutana two mu yikungo ya sharua, ni makunga jo makalumuna mu poko ja kululika mitondo. Vungu kulichi kakwata katana kulimika ni vungu likwo. Kechi kalilongesa jita nawa nilimwe tangwa,

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Luka 13:12

Muze Yesu amumwene, wamutambikile ngwenyi, Pwo, unatusuka ku kukokoloka che.

Luka 22:36

Iye wambile kuli ayo ngwenyi, Alioze haliapwila yoze uli ni chikwama akachimbate, chizechene nawa chipakumuna; ni yoze keshi katana, akalanjise hina lienyi, akalande umwe.