Joele 3:1 - MUKANDA USANDU WA ZAMBI 1975

¹ Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme,

Mukanda Wa Zambi 1970

¹ Mwene Zambi kanambe ngwenyi: “Ha matangwa waze mungukahilwisa uwahililo wa Ayuda ni akwa Yerusaleme.

Joele 3:1 Iomraidhean Croise

Miaso (Masamu) 14:7

Nyi kachi ulamwino wa Izalele muutuhuka mu Zaione te! Muze Zambi mahilwisa ufunge wa atu jenyi, mba A-Yakomba mawahilila; mba A-Izalele mevwa chiseke. Samu lia David.

Miaso (Masamu) 85:1

Yehova hiunavwila vumbi chifuchi che. Hiunahilwisa funge ja kuli Yakomba.

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Jeremia 16:15

alioze mamba ngwo, Ni mwono wa Yehova yoze wachijile A-Izalele ku chifuchi cha ku Norte ni ku yifuchi yeswe kuze haahumina. Mumu mungwahilwisa nawa ku chifuchi cho ene chize nahanyine kuli tulamba two.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Ezekiel 16:53

Mungukahilwisa kuwaha cho; kuwaha cha Sondome ni anenyi a mapwo, ni kuwaha cha Samaria ni anenyi a mapwo; chikwo nawa mungukahilwisa kuwaha cha yena mwene hakachi ko,

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Joele 2:29

Ha matangwa aze mungukazukula Spiritu yami hali ndungo jenu a malunga ni a mapwo.

Amose 9:14

Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.