Joele 2:8 - MUKANDA USANDU WA ZAMBI 1975

⁸ Niumwe keshi kushinjika mukwo; kakwenda mutu mweswe mwe mu jila. Kakulokola ndusu hakachi ka yitwa, ni kulemana ka.

Mukanda Wa Zambi 1970

⁸ keeshi kulishinjeka. Kaanalicholongoza mu jita, chuma nichimwe kuchaahashile kwakwika.

Joele 2:8 Iomraidhean Croise

2 Sango Ja Mianangana 23:10

Yalonga atu eswe chize ku sali lia zuwo lia chindume ndo ku sali lia chimeso, kulisesesa ni chilumbilo ni zuwo, kweswe kwa kujingilika mwanangana, mutu mweswe ni yitwa yenyi mu kwoko.

2 Sango Ja Mianangana 32:5

Mba yahamuka, yatunga nawa chipanga-cha-mawe chize chinapuzuka. Yachisuhisa nawa ndo ku tuposhi, ni chipanga-cha-mawe chikwo cha haze. Yakolesa Milo mu chihunda cha David ni kufula yitwa ni kepwe ya kulumbama.

Nehemia 4:17

Ni waze atungile chipanga-cha-mawe, ni waze atuchile yiteli, ni waze aatwikile, mutu mweswe ni kwoko limuwika alingile milimo, ni kwoko likwo wakwachile chitwa chenyi.

Nehemia 4:23

Chocho chipwe yami, chipwe akwetu, chipwe atu jami, chipwe tulayi akwa kungukaula, niumwe hakachi ketu wazulile mazalo jenyi. Mutu mweswe wayile ku meya ni chitwa chenyi mu kwoko.

Jobe 33:18

Kakuchinda alma yenyi ku jondo; kakuchinda mwono wenyi kanda ufwa ku katana.

Jobe 36:12

Nyi kapanjikile makuwa ni katana; mafwa ni chinyingi chakuhi.

Yishima 30:27

Makumbi keshi mwanangana, alioze kakutuhukila eswe hamuwika.

Mwaso Ubema Wahiana 4:13

Upeme we wapwa ngwe munda wa romana ni mihuko yeswe yipema; hena ni nardo,

Izaya 5:27

niumwe kanevu yikatalo, niumwe kanatalinga, niumwe kananongwoka, hanji kuya tulo; niumwe muya wakokoloka, niumwe lusapo wa haku wapatuka.

Joele 2:7

Kakuzomboka ngwe akwa ndundo; kakunyina yipanga ngwe tujita. Kakwenda ndusu mutu mweswe kumeso jenyi; keshi kukatuka mu mikana.

Joele 2:9

Kakutumbuka ha chihunda; kakulundumukina ha yipanga, kakunyinanyina ku mazuwo nikunjila ku njanela ngwe eji.