Joele 2:5 - MUKANDA USANDU WA ZAMBI 1975

⁵ Kutumbuka cho chapwa ngwe chinumo cha matemba-a-jita ha milundu, ngwe chinumo cha milengi ya kahia ha kulalisa mwambu umu, ngwe yitakame mu ngango ja jita.

Mukanda Wa Zambi 1970

⁵ Muze maatumbwoka helu lia milundu, kaanalundumuka ngwe matemba, kaanalukuta ngwe kahia ha mwambu umu. Kaanalilongo ngwe chizavu chinene cha tujita waze haalilulika kwasa jita.

Joele 2:5 Iomraidhean Croise

Jobe 39:20

Yena wakumutumbwisa ngwe pasu? Kulihembula chenyi cha wanangana kole ni woma.

Kutuhuka 5:12

Chocho e atu alimwangine ndusu mu chifuchi cheswe cha Engitu mukukonga shachi ajitenge ngwe mwambu.

Izaya 30:30

Mba Yehova makavwisa atu liji lienyi lia mwanangana. Makamona kwoko lienyi nikuhulumuka nikwalamba ni utenu wa kulekwoka, ni mulengi wa kahia ka kulalisa, ni vula munji chikolo, ni kangonga, ni chiwe.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Jeremia 50:42

Kanakwata ku uta ni kunga; yiswi keshi keke. Chizungozungo cho chapwa ngwe lundunjila wa kalunga-lwiji. Kanende hali tuvwalu; kanazala ngwe mutu yoze unayi ku jita kulimika ni yena, mwana-pwo Babilonia.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Usolwelo 9:9

O apwile ni yipwiko ngwe yipwiko ya utale; ni lundunjila wa mapulwa jo ngwe lundunjila wa matemba, wa tuvwalu anji nikuzombokela ku jita.