Joele 2:32 - MUKANDA USANDU WA ZAMBI 1975

³² Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Mukanda Wa Zambi 1970

³² Alioze eswe waze maakalemba Mwene Zambi, kumakaalamwina. Ngwe chize Mwene hanambe ngwenyi: ‘Amwe mukachi ka Yerusaleme kumaakachina; waze natongwele kumaasala ni mwono.’ ”

Joele 2:32 Iomraidhean Croise

Ubutukilo 4:26

Ni Sete nawa yasema mwana wa lunga, yamuluka jina ngwenyi, Enoshe. Ha matangwa aze atu aputukile kusanyika ha jina lia Yehova.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Izaya 10:22

Mumu chipwe atu jenu A-Izalele mapwa ngwe masekeseke a ha ngenge ya kalunga-lwiji, masalila wika mahiluka. Hanakolesa shimbi ya kunonga alioze muchikapukuka ni ululi.

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 11:16

Kumukukapwa Chikoka cha kukatuka ku Asuria hali masalila ja atu jenyi aze asalako, ngwe chapwile hali A-Izalele muze akatukile ku chifuchi cha Engitu.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 46:13

Mungukundamisa ululi wami, kuwapwile kusuku ka. Ulamwino wami kuuchi kalaluka. Mungusa ulamwino mu Zaione, hali Izalele uhenya wami.

Jeremia 31:7

Mumu Yehova kanambe ngwenyi, Imbenu ni liji linene lia chiseke mumu hali Yakomba; likwizenu mumu hali mukwa lutwe hakachi ka mavungu. Ambululenu; halisenu nikwamba ngwenu, Yehova hanalamwina atu jenyi, e masalila ja A-Izalele.

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Amose 9:8

Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.

Obadia 1:17

Alioze mu mulundu wa Zaione kumukukapwa akwa kwomboka; muukapwa usandu. Munyachi wa Yakomba kumakazuka chihinga cho.

Obadia 1:21

Akwa kulamwina kumakaya ku mulundu wa Zaione akayule mulundu wa Esau, mba wanangana kumuukapwa wa mbala wa Yehova.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 4:22

Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda.

Yilinga 15:17

hanga masalila ja atu akafupe Mwene, ni akwa mavungu eswe, waze hali ayo jina liami analivuluka, chocho anambe Mwene, yoze wakulinga yino yuma yeswe.

Yilinga 2:39

Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

A-ROMA 11:26

chocho makalamwina A-Izalele eswe; ngwe chinasonewa ngwo, Mukwa kupulula kumakakatuka ku Zaione; iye kumakakatwisa utanganyanyi kuli akwa Yakomba;

A-ROMA 11:5

Chizechene ha mwaka uno nawa kwali masalila nikulita ni kutongola cha vumbi.

A-ROMA 11:7

Mba kuchi? Chize A-Izalele akufupa, kachizukileko; alioze waze aatongwele hanachizuku, akwo hanakale:

A-ROMA 9:24

Te yetu nawa, atutambikile, hi kuli A-Yunda wika ko alioze kuli akwa mavungu nawa, mba kuchi?

A-ROMA 9:27

Alioze Izaia kanatete ha kutwala kuli akwa Izalele ngwenyi, Kachi ha kwalula ana a Izalele mapwa chizechene ngwe masekeseke a ku kalunga-lwiji, masalila wika makaalamwina:

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

Hebreu 12:22

Alioze yenu hinuneza ku mulundu wa Zaione, ni ku limbo lia Zambi ya mwono, Yerusaleme ya mwilu; ni ku yizavu yinji ya angelo;