Joele 2:29 - MUKANDA USANDU WA ZAMBI 1975

²⁹ Ha matangwa aze mungukazukula Spiritu yami hali ndungo jenu a malunga ni a mapwo.

Mukanda Wa Zambi 1970

²⁹ Ha matangwa waze mungukamwangina Mwiku wami wa Linanga chibwe muli tuvumbi twenu a malunga ni a mapwo.

Joele 2:29 Iomraidhean Croise

Ezekiel 36:27

Mba mungukasa Spiritu yami muli yenu; mungukanwendesa nikulita ni yiyulo yami, munukatala kanawa kufunga shimbi jami.

Ezekiel 37:14

Mba mungukasa Spiritu yami muli yenu nukatwame ni mwono. Mungukanusa mu chifuchi cha yenwene. Henaho munukanyingika yami Yehova nachambile, mba hinachilinga. Chocho kanambe Yehova.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

1 Korintu 12:13

Mumu muli Spiritu umuwika hanatupapachisa yetu eswe mu mujimba umuwika, chipwe A-Yunda, chipwe A-Ngresia, chipwe ndungo, chipwe enya chifuchi, hanatunwisa muli Spiritu umuwika.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Kolosu 3:11

muze kumushi Ka-Ngresia ni Ka-Yunda, ngalami ni chilima, kandaka ni Ka-Seteya, ndungo ni mwenya chifuchi; alioze Kristu iye yuma yeswe, muli eswe.