Joele 2:27 - MUKANDA USANDU WA ZAMBI 1975

²⁷ Munukanyingika ngwenu, Zambi kwali hakachi ka A-Izalele. Munukanyingika ngwenu, Yehova iye Zambi yetu, kukushi mukwo. Atu jami kechi kevwa nawa sonyi.

Mukanda Wa Zambi 1970

²⁷ Hohene, yenu Aisraele, munukanyingika ngwenu, yami nguli mukachi kenu, yami mwene nguli Zambi yenu, kukushi mukwo. Atu jami hikeechi kaalelesa nawa nichimwe.

Joele 2:27 Iomraidhean Croise

Miaso (Masamu) 46:5

Zambi kwali hakachi ko; kechi kulihiza; Zambi maakwasa ha kucha chimene.

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 44:8

Kanda nwivwa woma, mwongo kanda unukwata. Te chanulwezele chize ku shakulu nikuchambulula? Ni yenu nuli yela. Kwali umwe Zambi hamwe ni yami? Luliwe lukwo kulushiko; chalunyingikine.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 45:5

Yami nguli Yehova, mba kukushi mukwo, kukushi Zambi mukwo shina yami mwene. Chipwe kwangunyingikine ngunakuse muya,

Izaya 45:6

hanga atu akanyingike chize ku kuvumbuka cha tangwa ni ku Chitokelo— kukushi niumwe mukwo shina yami mwene. Yami nguli Yehova, mba mukwo wakuhi.

Izaya 46:9

iwulukenu yuma yize hiyapalika kushi; mumu yami Zambi, kukushi mukwo; yami Zambi, kukushi umwe wa kulifwa.

Izaya 49:23

Mianangana mapwa akwa kukulela, miazovu mapwa akwa kukwamwisa. Meza nikufulamana hashi kuli yena ni meso jo mu mavu. Makalesa fufuta ya ku yiliato ye. Henaho munyingika yami nguli Yehova; waze akungutwaminyina kechi kevwa sonyi.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Ezekiel 37:6

Mba mungusa mijipa hali yenu, mungusaho musunya nawa, ni kunufuka ni kowa, ni kunusa mwiku, munukapwa ni mwono, mba munukanyingika yami nguli Yehova.

Ezekiel 39:22

Akwa munyachi wa Izalele makanyingika yami nguli Yehova Zambi yo chize ku tangwa lize ni kulutwe.

Ezekiel 39:28

Henaho makanyingika yami nguli Yehova Zambi yo mumu naatumine ku unjize hakachi ka mavungu, mba naakungile nawa ku chifuchi cha ayo ene. Chichi kahichika niumwe akasale hakachi ka mavungu nawa.

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Joele 2:26

Munukalia nikulumbama; munukuta, mba munukahalisa jina lia Yehova Zambi yenu yoze hanulingila yikomokeso. Atu jami kechi kevwa nawa sonyi.

Joele 3:17

Chocho munukanyingika ngwenu, Yehova iye Zambi yetu katwama ha mulundu wenyi usandu wa Zaione. Mba Yerusaleme muyikapwa yisandu, ni yilambala kechi kupalikako nawa.

Joele 3:21

Kumungukakala manyinga jo aze te chaakalile; mumu Yehova katwama mu Zaione.

Zefania 3:11

Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Zakaria 2:9

wambile ngwenyi, Mungukapula kwoko liami hali ayo mba malumuka upite wa kupupa kuli waze aavumbikile. Henaho mununyingika Yehova-wa-Tujita wangutumine.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Kwalula 23:21

Kamwene uhenge muli Yakomba, chipwe kumona uhuka mu Izalele, kaumweneko. Yehova Zambi yenyi hamuwika nenyi ali. Mutambi wa mwanangana uli hakachi ko.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

1 Petulu 2:6

Mumu chinasonewa mu chisoneko ngwo, Talenu, mungusa mu Zaione liwe lia lutwe lia mbango, lia kutongola, lilemu; yoze mamufuliela kechi kevwa sonyi.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.