Joele 2:26 - MUKANDA USANDU WA ZAMBI 1975

²⁶ Munukalia nikulumbama; munukuta, mba munukahalisa jina lia Yehova Zambi yenu yoze hanulingila yikomokeso. Atu jami kechi kevwa nawa sonyi.

Mukanda Wa Zambi 1970

²⁶ Munukabwa ni yakulia yinji, munukakuta. Munukachichimieka Mwene Zambi, Zambi yenu, yoze hananulingila yikomokeso. Atu jami hikeechi kaalelesa nawa nichimwe.

Joele 2:26 Iomraidhean Croise

Ubutukilo 33:11

Tambula kama mulambu wami hinakunehena mumu Zambi hangulinga vumbi, se yuma yeswe nguli nayo. Yamushinjila mba yautambula.

Nehemia 9:25

Atambwile yihunda ya yipanga-ya-mawe, ni chifuchi cha chinuno. Azukile mazuwo a tò ni yuma yeswe yipema—mashima a kutota mu liwe, ni minda ya uva, ni minda ya olevwe, ni mitondo ya ngolo ya mihuko. Chocho alile, akuchile, atohele, ni kuwahilila mu upeme we unene.

Miaso (Masamu) 103:5

Hakuyukisa kanwa lie ni yuma yipema, chocho ukweze we kuwakuhuzuluka ngwe wa pupa.

Miaso (Masamu) 116:7

Mbunge yami hiluka ku uhwimino we, mumu Yehova hanakwehe ya kulumbama.

Miaso (Masamu) 13:6

Kumungwimbila Yehova, mumu hanalingi ni yami cha kulikomonona. Kuli Njimba mukwa lutwe. Samu lia David.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Miaso (Masamu) 37:19

Kechi kwivwa sonyi ha tangwa lipi. Ha matangwa ja kapunga kumakakuta.

Miaso (Masamu) 67:5

Atu akuhalise yena Zambi. Atu eswe akuhalise.

Miaso (Masamu) 72:18

Yehova Zambi akawahe; mwe Zambi ya Izalele, e ukawenyi kakulinga yikomokeso.

Yishima 13:25

Mukwa ululi kakulia ndo kuyukisa mbunge yenyi; alioze jimo lia chingulungulu mulikahona.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Izaya 25:1

Yehova, yena uli Zambi yami; mungukunangamisa, munguhalisa jina lie; mumu hiwalinga yikomokeso, yuma ya kufunjika kushi, yuma yamwenemwene, yuma ya pundu.

Izaya 29:22

Kashika Yehova, yoze wakulile Apalahama, kanambe ha kutwala ku munyachi wa Yakomba ngwenyi, Yakomba kechi kevwa nawa sonyi, kumeso jo kechi kasolola nawa woma.

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Izaya 49:23

Mianangana mapwa akwa kukulela, miazovu mapwa akwa kukwamwisa. Meza nikufulamana hashi kuli yena ni meso jo mu mavu. Makalesa fufuta ya ku yiliato ye. Henaho munyingika yami nguli Yehova; waze akungutwaminyina kechi kevwa sonyi.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Alevi 25:19

Chifuchi muchikema mbuto yacho ni yenu munukalia ni kukuta, mba munukatwamamo kawape.

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Alevi 26:5

Mwaka wa kuzungula muuheta ndo ku mwaka wa kuhela uva. Mwaka wa kuhela uva muuheta ndo ku mwaka wa kukuwa mbuto. Munukalia nikukuta. Munukatwama mu chifuchi chenu, ni woma ka.

Mika 6:14

Kulia munulia alioze kunuchi kukuta; zala muyikatwama muchima lienu. Munutulika yuma ahoze kunuchi kapita. Ni yize munupita, yami munguyikunjika ku katana.

Zefania 3:11

Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Zakaria 9:15

Yehova-wa-Tujita maafunga; makashiha ni kuliata akwa kukonga mawe. Makanwa manyinga jo ngwe vinyu. Makazala ngwe misenge, ngwe mbango ja chilumbilo ja pwocha ni manyinga.

Zakaria 9:17

Ewa muchikapwa chipema, cha uhenya. Mbuto muyikawahisa akweze ni vinyu yaha muyikawahisa ana-mapwo.

A-ROMA 10:11

Mumu chisoneko chinambe ngwo, Mweswawo mamufuliela, kechi kevwa sonyi.

A-ROMA 5:5

ni kutalatala kuchishi kukolesa sonyi; mumu zango lia Zambi hanalizukwila mu mbunge jetu ku tachi ja Spiritu Musandu yoze atuhele.

A-ROMA 9:33

Ngwe chinasonewa ngwo, Talenu mungusa mu Zaione liwe lia kuhukanyisa, ni luliwe lwa kutalingisa; ni yoze mafuliela kuli iye kechi kevwa sonyi.

Shimbi 11:15

Mungusokesa kelo ja yimuna jenu mu ulilo wenu, munulia ni kukuta.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 8:10

Munukalia ni kukuta, nukawahise Yehova Zambi yenu mumu ha chifuchi chipema iye hananwehecho.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

1 Yoano 2:28

Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi.