Joele 2:24 - MUKANDA USANDU WA ZAMBI 1975

²⁴ Mazuwo makazala tò ni tiliku, ni yikwachilo muyikasupwoka ni vinyu ni maji.

Mukanda Wa Zambi 1970

²⁴ Ha yizungwilo muhakabwa mbuto yinji, ukamino muukazala to ni vinyu ni maji a olive.

Joele 2:24 Iomraidhean Croise

Ezekiel 36:8

Alioze yenu milundu ya Izalele, munukasokesa mitango yenu nikwima mihuko yenu kuli atu jami A-Izalele; mumu nikawashi mahiluka ku mahio.

Joele 3:13

Senu kwengo mumu mbuto hiyahia. Tweyenu, nuliate mumu ukamino wa uva hiwazala, yikwachilo yinasupwoka, mumu ungulungulu wo woka.

Joele 3:18

Ha tangwa lize milundu muyikasutwoka vinyu yipema, ni mindundena muyikapukumuna yamwa. Yitwetwe yeswe ya Yunda muyikazala ni meya. Mba fuji limwe mulikapukukila mu zuwo lia Yehova nikutuchikisa chana cha Shitime.

Alevi 25:19

Chifuchi muchikema mbuto yacho ni yenu munukalia ni kukuta, mba munukatwamamo kawape.

Alevi 26:10

Munukalia yuma ya kutulika shimbu linene. Munumbila yikulu hanga nukasweke yaha.

Amose 9:13

Yehova kanambe ngwenyi, Matangwa kaneza muze mukwa kuchipa maheta mukwa kucha, ni mukwa kukama uva maheta mukwa kutumba mbuto. Milundu muyikasulumuka ni vinyu yipema, ni mindundena muyikapukukila nayo.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.