Joele 2:21 - MUKANDA USANDU WA ZAMBI 1975

²¹ Ena chifuchi, kanda wivwa woma. Waha nikuwahilila, mumu Yehova hanalingi yuma yinene.

Mukanda Wa Zambi 1970

²¹ “Akwa minda, kanda nwivwa woma, wahililenu ni chiseke mumu ha yeswe yize Mwene Zambi hanulingila.

Joele 2:21 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Miaso (Masamu) 71:19

Ululi wa yena Zambi wanangama. Hiunalingi yuma yinene; Zambi, iya walifwa ni yena?

Miaso (Masamu) 98:8

Njiji jikasakwile ni moko jo. Milundu yikembe miaso ya uwahililo hamuwika,

Izaya 35:1

Puya ni chifuchi chumu muyikawaha; kango muyikawahilila nikutemuna yitemo ngwe kawalangaza.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 44:23

Enu malilu, imbenu, mumu Yehova hanachilingi; kololoka ena hashi uli mushi; enu milundu putukenu kwimba; ni yenu usaki ni mitondo yeswe yilimo! Mumu Yehova hakuta Yakomba, kumakawana uhenya muli Izalele.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Izaya 55:12

Mumu munukatuhuka ni uwahililo, manutetekelamo ni sambukila. Chipwe mulundu ni mindundena kumeso jenu muyikaputuka mwaso, ni mitondo yeswe ya mu yambu muyikasakwila koshi.

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Hosea 2:21

Yehova kanambe ngwenyi, Ha tangwa lize mungukasanyika malilu, ni malilu makasanyika hashi;

Joele 2:20

Alioze munguchiza tujita twa ku Norte kusuku ni yenu nikwahumina ku chifuchi cha puya ya hululu. Mungusa maswalale jo a kulutwe ku kalunga-lwiji ku Chivumbuko, ni akwa kunyima ku kalunga-lwiji ku Chitokelo, ni kukupuka cho kumuchikafwinda ni vumba lio lipi kumulikafwinda mumu hanalingi yuma yinene.

Joele 2:26

Munukalia nikulumbama; munukuta, mba munukahalisa jina lia Yehova Zambi yenu yoze hanulingila yikomokeso. Atu jami kechi kevwa nawa sonyi.

Zakaria 8:15

chocho nawa Yehova-wa-Tujita kanapale matangwa ano kulinga chipema ku Yerusaleme, ni ku munyachi wa Yunda. Kanda nwivwa woma.

Shimbi 4:32

Kashika hulenu haliapwila ha matangwa a kunyima, shimbu te kanda nusemuka, katuke ha tangwa Zambi watengele mutu hashi, katuke ku songo limwe lia malilu ndo ku likwo, kutala nyi kwapwile chuma chipwa haha ngwe chuma chino chinene hanji kwivwa chuma Chichize.

1 Samuel 12:16

Kashika haliapwila manenu kúlú nukamone chuma chino chinene Yehova malinga kumeso jenu.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.