Joele 2:20 - MUKANDA USANDU WA ZAMBI 1975

²⁰ Alioze munguchiza tujita twa ku Norte kusuku ni yenu nikwahumina ku chifuchi cha puya ya hululu. Mungusa maswalale jo a kulutwe ku kalunga-lwiji ku Chivumbuko, ni akwa kunyima ku kalunga-lwiji ku Chitokelo, ni kukupuka cho kumuchikafwinda ni vumba lio lipi kumulikafwinda mumu hanalingi yuma yinene.

Mukanda Wa Zambi 1970

²⁰ Munguchiza makumbi waze akatukile ku norde. Mungushinjika amwe a kuli ayo mu puya. Akwa lutwe jo mungwashinjikila mu chitende cha Kufwa, mukana wakusula munguushinjikila mu kalunga lwiji Mediterane. Mijimba yo ya kufwa muyinuka vumba. Mungukoonona mumu ha yibi yeswe yize haanulinga.

Joele 2:20 Iomraidhean Croise

1 MIANANGANA 8:13

Hazaele yamba ngwenyi, Ami kuchi munguhasa kulinga chuma chino chinene? Ami kavumbi kenu nguli kawa lume. Elisha yakumbulula ngwenyi, Yehova hangulwezacho; kumukapwa mwanangana wa Seria.

Miaso (Masamu) 126:3

Yehova hanatulingila yuma yinene, kashika tunawahilila.

Kutuhuka 10:19

Yehova yatuma fuji yimwe ya tachi jinene ya ku Chitokelo, yiyianda e makumbi yiyiambila mu Kalunga-lwiji Muchila. Kukwasalile chipwe kumbi umuwika mu njiza jeswe ja Engitu, ka.

Kutuhuka 8:14

O aakongele milumba mba chifuchi chanukine.

Izaya 34:3

Waze makaashiha hakachi ko makaumbila, ni vumba lia afu jo mulikakupukako; ni milundu muyikapukuka ni manyinga jo.

Ezekiel 47:18

Sali lia ku Chivumbuko njiza muyikatuka ku Hazare-enone hakachi ka Haurana ni Ndamaseku. Muyilisesa ni Yordau hakachi ka Ngiliate ni chifuchi cha Izalele, ndo ku Kalunga-lwiji wa ku Chivumbuko ndo ku Tamare. Ye njiza ya ku Chivumbuko yenayo.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Zakaria 14:8

Ha tangwa lize meya a mwono makatuhukila mu Yerusaleme; chihanda cha ha muchima muchikatalikisa ku kalunga-lwiji wa ku Chivumbuko, chihanda cha ha muchima muchikatalikisa ku kalunga-lwiji wa ku Chitokelo. Makapalika ha lushiho ni ha lwiza.

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.

Shimbi 11:24

Kuma kweswe munukaliata ni molu jenu kukapwe nikwenu, katuke ku puya ni ku Lebano, katuke ku lwiji, lwiji Ufrateze ndo ku kalunga-lwiji watwama ku Chitokelo kukapwe njiza yenu.