Joele 2:19 - MUKANDA USANDU WA ZAMBI 1975

¹⁹ Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Mukanda Wa Zambi 1970

¹⁹ Yaakumbulula ngwenyi: “Haliabwila mungunwaha mbuto ni vinyu ni maji a olive, mba munuwaha. Mavungu akwo keechi kunulelesa nawa.

Joele 2:19 Iomraidhean Croise

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Ezekiel 34:29

Mungukaaha minda ya lufuma kanda akafwa nawa ni zala mu chifuchi, ni kanda akalenyewa nawa kuli akwa mavungu.

Ezekiel 36:15

Chichi katayiza nawa nukevwe kuchoka cha mavungu; kunuchi katambula nawa sau lia mavungu; ni yenu kunuchi katalingisa nawa vungu lienu. Chocho kanambe Mwene Yehova.

Ezekiel 36:29

Mungukanupulula ku luchisa wenu mweswe; mungukasanyika mbuto nikuyokesa. Chichi katuma nawa kapunga.

Ezekiel 36:30

Mungukalumbamisa mihuko ya mitondo ni mbuto ya mu minda; kunuchi kapinda nawa ni sau lia kapunga hakachi ka mavungu.

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Hosea 2:15

Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Hosea 2:21

Yehova kanambe ngwenyi, Ha tangwa lize mungukasanyika malilu, ni malilu makasanyika hashi;

Hosea 2:22

ni hashi muhasanyika mbuto, ni vinyu, ni maji; no masanyika Yezerele

Joele 1:10

Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Joele 2:24

Mazuwo makazala tò ni tiliku, ni yikwachilo muyikasupwoka ni vinyu ni maji.

Alevi 26:5

Mwaka wa kuzungula muuheta ndo ku mwaka wa kuhela uva. Mwaka wa kuhela uva muuheta ndo ku mwaka wa kukuwa mbuto. Munukalia nikukuta. Munukatwama mu chifuchi chenu, ni woma ka.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Shimbi 11:14

mungunokesa vula ha chifuchi chenu ha mwaka wenyi, vula musazu ni vula wa samakwasa, hanga nuhase kukunga mbuto jenu ja kulia chenu ni vinyu yenu, ni maji jenu.

Rute 1:6

Mba yakatuka ni atembwa-anenyi ahiluke ku chifuchi cha Moape mumu te hevwa mu chifuchi cha Moape ngwo, Yehova hanangisa atu jenyi, haaha kulia.