Joele 2:18 - MUKANDA USANDU WA ZAMBI 1975

¹⁸ Henaho Yehova yevwa ukwa wa chifuchi chenyi. Yavwila keke atu jenyi.

Mukanda Wa Zambi 1970

¹⁸ Mba Mwene Zambi yevwila chifuchi chenyi chinyengo, yevwila atu jenyi keke.

Joele 2:18 Iomraidhean Croise

1 MIANANGANA 19:31

Mumu ku Yerusaleme kumukutuhuka atu a piliwiji, ku mulundu wa Zaione kumukukatuka waze hapuluka. Tachi ja Yehova mujilinga chino chuma.

Miaso (Masamu) 103:13

Ngwe chisemi mavwila keke ana jenyi, chocho Yehova kakuvwila keke waze mamuvwila woma.

Miaso (Masamu) 103:17

Alioze utu wa zango lia Yehova kuli waze akumuvwila woma wapwa wa ku miaka ya mutolo ndo ku miaka ya mutolo. Ululi wenyi wapwa kuli ana ja ana jo;

Izaya 37:32

Mumu ku Yerusaleme kumukutuhuka atu a piliwiji, ku mulundu wa Zaione kumukukatuka waze hapuluka. Tachi ya Yehova-wa-Tujita mujilinga chino chuma.

Izaya 42:13

Yehova kanatuhuka ngwe mutu wa ndundo, ngwe kajita kanavundula ufwatulo wenyi. Kanakololoka, kanakalumioka, kanalisolola mukwa ndundo wa kulimika ni akwa kole jenyi.

Izaya 60:10

Tundaka makatunga yipanga yenu yamawe ni mianangana jo makanuvumbika. Mumu nanulambile mu ufwatulo wami, alioze mu vumbi liami mungukanuvwila keke.

Izaya 63:15

Ku zuwo lie lisandu lia uhenya kwilu tala hashi umone. Tachi je ja mbunge, ni ndundo je jilihijo? Usona we ni keke ye wanguminayo.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Zakaria 1:14

Chocho mungelo yoze wahanjikile ni yami yamba kuli yami ngwenyi, Kololoka ngwe, Yehova-wa-Tujita kanambe ngwenyi, Ukwa wunji ngunevu wa Yerusaleme ni wa Zaione.

Zakaria 8:2

Yehova-wa-Tujita kanambe ngwenyi, Ukwa ngunavwila Zaione, ukwa wunji; ni ukwa ngunayivwila wa ufwatulo wunji.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Shimbi 32:16

Yamwihia evwe ukwa ni tuzambi twa tundaka, yamwihia ni yitanga yo ya kuzelwokesa.

Shimbi 32:36

Mumu Yehova makasambisa atu jenyi. Makavwila keke tuvumbi twenyi muze mamona tachi jo hijahwa mba niumwe wasala, apwe ndungo, apwe mwene.

Shimbi 32:43

Enu mavungu, halisenu atu jenyi, mumu hafwetesa manyinga a tuvumbi twenyi. Yalikala hali akwa kulimika nenyi. Hapemesa chifuchi cha atu jenyi.

Tiangu (Jake) 5:11

Twakwavuluka ngwetu, Akwa kuwaha, waze anyongonwene; hinunevu ha kunyongonona cha Jo, hinunamono songo lia mwe Mwene, ngwe chize Mwene iye wa tò ni vumbi, mukwa keke.

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.