Joele 2:16 - MUKANDA USANDU WA ZAMBI 1975

¹⁶ Kungululenu e atu; Selenu chikungulwila ku usandu; kungululenu makulwana; kungululenu ana, hamwe ni akwa kwamwa. Sandungi akatuke ku chipatulo chenyi, ni ndungi akatuke ku zuwo lienyi.

Mukanda Wa Zambi 1970

¹⁶ Kungululenu atu hamuwika; nwalulike ha kulikungulula. Nehenu tushinakaji; kungululenu twanuke ni ana a kemba nawa. Chibwe waze maachilimbata chaatamba kuhichika mazuwo jo ni kwiza.

Joele 2:16 Iomraidhean Croise

2 Sango Ja Mianangana 20:13

A-Yunda eswe amanyine kumeso ja Yehova hamwe ni ana jo akepe, ni mapwo jo, ni ana jo a malunga.

2 Sango Ja Mianangana 29:5

Yamba kuli ayo ngwenyi, Ngwivwenu, enu A-Levi. Liselenu ku usandu yenwene, nukasele ku usandu zuwo lia Yehova, Zambi ya tulamba twenu, ni kutuhwisa yiswaswa yeswe muma musandu.

2 Sango Ja Mianangana 30:17

Mumu mwapwile anji mu chikungulwila kaliselele ku usandu; kashika A-Levi apwile ni milimo ya kushiha yitapo ya Chizomboka ya waze kapemene, akaasele asandu kuli Yehova.

2 Sango Ja Mianangana 30:19

waze masela mbunge jo kufupa Zambi Yehova, mwe Zambi ya tulamba two, chipwe kalingile nikulita ni shimbi ja zuwo lisandu ja kulipemesa.

2 Sango Ja Mianangana 35:6

Shihenu chitapo cha Chizomboka, liselenu ku usandu, lulikenu hali akwenu nukalinge nikulita ni liji lia Yehova ku kwoko lia Mose.

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Miaso (Masamu) 19:5

Iye kapwa ngwe sandungi ha kutuhuka mu zuwo lienyi. Kanawahilila ngwe chitakame yoze mazomboka mu jila yenyi.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Kutuhuka 19:15

Iye yamba kuli e atu ngwenyi, Lilulikenu tangwa liamuchitatu. Kanda nukundama kuli mapwo.

Kutuhuka 19:22

Asasendote nawa akukundama kuli Yehova akalisele ku usandu, kuchina Yehova mapula haze nikwaheta.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Mateu 21:16

Ambile kuli iye ngwo, Unevu chize anambe wano, nyi? Yesu ngwenyi, Ewa, kunwatangile nilimwe tangwa ngwo, Mu makanwa ja ana-akemba ni akwa kwamwa hiwasa uhaliso ungunu.

Mateu 9:15

Yesu wambile kuli ayo ngwenyi, Akwa ulungi mahasa kulinyenga shimbu sandungi mapwa hamwe no, nyi? Alioze matangwa kumakeza muze makachiza sandungi kuli ayo, mba hohene makalitwamina kulia.

1 Korintu 7:5

Kanda nulilaka umwe ni mukwo, shina muchipwa ha kulitesa ha shimbu limwe, hanga nulitumbikile ku kulemba, hanga nukapwe hamuwika cheka nawa, hanga Satana kechi kanweseka mumu ha ulelu wenu wa kuyula mijimba yenu.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

Yoshua 8:35

Nilimwe liji kuliasalile lia kutuma kuli Mose, Yoshua yaatanga eswe kumeso ja chikungulwila cha Izalele, ni mapwo, ni ana, ni njize waze atwamine hakachi ko.

1 Samuel 16:5

Iye ngwenyi, Ni sambukila nguneza kulambula chitapo kuli Yehova. Liselenu ku usandu nwize ni yami ku chitapo. Iye yasela ku usandu Yese ni ana jenyi; yaasanyika ku chitapo.