Joele 2:14 - MUKANDA USANDU WA ZAMBI 1975

¹⁴ Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Mukanda Wa Zambi 1970

¹⁴ Tangwa likwo Mwene Zambi, Zambi yenu, malumuna kama manyonga jenyi, ni kunuwahisa ni mbuto yinji. Mba munuhasa kumulambula mbuto ni vinyu.

Joele 2:14 Iomraidhean Croise

2 Samuel 12:22

Iye yamba ngwenyi, Shimbu mwana achili ni mwono nalilile ni kulitwamina kulia mumu nambile ngwami, Kwiji, hanji Yehova manguvwila vumbi, mwana atwame ni mwono.

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Izaya 65:8

Yehova kanambe ngwenyi, Kakuwana vinyu mu chichakata, mba kakwamba ngwo, Kanda nuchenyeka mumu uwape ulimo. Chocho ni yami mungulinga ha mukunda wa kavumbi kami, chichi kaenyeka eswe.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 26:3

Hanji makapanjika, mutu mweswe akatuke ku jila yenyi yipi, hanga ngukalikonyeke ha chuma chikalu chize ngunambe kwalinga mumu ha yitanga yo yipi.

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Joele 1:9

Mulambu wa wunga ni mulambu wa kunwa hiyinapatuka mu zuwo lia Yehova. Asasendote, tuvumbi twa Yehova, kanalili.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Yona 1:6

Kashika mwata wa wato yeza kuli iye, yamba kuli iye ngwenyi, Ena mukwa tulo, kuchi unevu? Katuka utambike kuli Zambi ye. Hanji Zambi matunyonga kutuchi kutoka.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Hagai 2:19

Mbuto hindu yinatwama mu machila? Mitondo ya uva, ni ya makuyu, ni romana, ni olevwe hindu kuyemine? Chize ku tangwa lino mungunuwahisa.

2 Timoteu 2:25

ni Spiritu ya kushimbika, afumbe waze akulimika; kachi hanji Zambi makaaha kulikonyeka, akahete ku yinyingi ya umwenemwene.

Yoshua 14:12

Kashika ngwehenu chifuchi chino cha milundu Yehova wambile tangwa lize, mumu wevwile ha tangwa lize ngwo, A-Anake atwamako mu yihunda yinene ya kukolesa. Hanji Yehova mapwa ni yami ngukaahume ngwe Yehova hanambe.

1 Samuel 6:5

Kashika munulinga tuponya twa yivunda yenu ni tuponya twa tumbi aze anapihisa chifuchi nukalemese Zambi ya Izalele. Hanji malelumwisa kwoko lienyi hali yenu ni hali mazambi jenu ni ha chifuchi chenu.