Joele 2:13 - MUKANDA USANDU WA ZAMBI 1975

¹³ Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Mukanda Wa Zambi 1970

¹³ Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

Joele 2:13 Iomraidhean Croise

Ubutukilo 37:29

Rupene yaya nawa ku wina, kuwana José keshimo. Kashika yapula mazalo jenyi.

Ubutukilo 37:34

Yakomba yapula mazalo jenyi, yalijichika chikeleyi, walishimwokene matangwa anji hali mwanenyi.

2 Samuel 1:11

Henaho David yakwata mazalo jenyi, yaasonya, ni malunga eswe amanyine hamwe nenyi yalinga chimuwika.

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

1 MIANANGANA 22:11

Muze mwanangana hevwa maliji a mu mukanda wa shimbi wasonyene mazalo jenyi.

1 MIANANGANA 22:19

mumu mbunge ye yapwa yovu, hiwalikehesa kumeso ja Yehova ha kwivwa chize hinamba cha kulimika ni homa hano, ni atu jaho eswe, ngwami, muhapwa chihela cha hululu, muhapwa nawa shingo; hiwasonya mazalo je, hiwalila kumeso jami; ni yami nawa hinakupanjika, ngwenyi Yehova.

1 MIANANGANA 5:7

Muze mwanangana wa Izalele hatanga mukanda yasonya mazalo jenyi ngwenyi, Te nguli Zambi, wakushiha ni kupwisa ni mwono, kashika yono hatuma kuli yami ngukawuke mutu mbumba yenyi. Achi talenu chize kanafupu kuvundula ndombo ni yami.

1 MIANANGANA 6:30

Ha kwivwa maliji ja pwo mwanangana yasonya mazalo jenyi. Iye te kanapalika ha chipanga-cha-mawe, mba muze atu hamutala kumanyi muchima ha mujimba wenyi kanazala chikeleyi.

2 Sango Ja Mianangana 6:27

hipanjika yena mwilu ukakonekene mutonga wa tuvumbi twe, ni wa atu je A-Izalele, muze mukaalongesa jila yipema yize chaatamba kwendelamo; utume vula ha chifuchi che chize hiwahana chikapwe chihinga cha atu je.

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Jobe 1:20

Aho Jo yakatuka; yapula mazalo jenyi; yalitewula kawewe; yafulamana hashi ni kuwayila ngwenyi,

Miaso (Masamu) 103:8

Yehova kazala tò ni keke ni vumbi; iye makoke kutenuka, utu wa zango lienyi kuwalumbama.

Miaso (Masamu) 106:45

Wewulukile usendo wenyi mumu hali ayo. Walikonyekene nikulita ni kulumbama cha utu wa zango lienyi.

Miaso (Masamu) 34:18

Yehova katwama hehi ni waze amakuka mbunge. Kakulamwina waze akwete Spiritu ya kupihilila.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 58:5

Kumanyi chino kulitwamina kulia, yami nachitongwele? Te mulipwa tangwa lia kulilelesa mutu? Te mahetamisa mutwe wenyi ngwe lumbungu nikulialila chikeleyi ni uto? Te tangwa lino munulitongola ngwenu, Tangwa lia kulitwamina kulia, tangwa lia kuwahila Yehova?

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 41:5

makumi nake a malunga yaheta a kukatuka ku Shekeme, ni Shilo, ni Samaria, ni wevu wo wa kutewula ni mazalo a kupulapula, ni mijimba yo ya kulemieka. Kananeha te milambu ya wunga ni insensu akayilambule ku tembele ya Yehova.

Jeremia 42:10

Nyi munutwama mu chifuchi chino mba mungunutungisa, chichi kunupuzula; mungunutumba, chichi kunutukula, mumu ngunalikonyeka ha chuma chize chikalu nanulingile.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Nahume 1:3

Yehova mukwa makoke kutenuka, alioze ndundo jenyi jinene. Yehova kechi kuhasa kusambisa akwa kuhia, chipwe hakehe. Jila yenyi yili mu chijimbi ni mu kangonga; malelwa o fufuta ya ku yiliato yenyi.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

Efesu 2:4

Alioze Zambi, mukwa keke ya kulumbama, mumu ha zango lienyi linene lize watuzangile nalio,

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.