Joele 2:11 - MUKANDA USANDU WA ZAMBI 1975

¹¹ Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Mukanda Wa Zambi 1970

¹¹ Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Joele 2:11 Iomraidhean Croise

Miaso (Masamu) 18:14

Watumine mivu yenyi, waamwangine; ewa wahenyesene mihenyo yinji, waakumbile.

Miaso (Masamu) 46:6

Mavungu atenukine; mawanangana atutulukile; iye wahanjikile mba hashi hasangunukine.

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Izaya 13:4

Panjikenu, kuchungula ha milundu, ngwe mbunga yinene! Panjikenu, chizungozungo cha mawanangana, cha mavungu kulikungulula hamuwika. Yehova-wa-Tujita kanakungu mbunga ha jita.

Izaya 42:13

Yehova kanatuhuka ngwe mutu wa ndundo, ngwe kajita kanavundula ufwatulo wenyi. Kanakololoka, kanakalumioka, kanalisolola mukwa ndundo wa kulimika ni akwa kole jenyi.

Izaya 7:18

Ha tangwa lize Yehova matambika ni miluzu kuli jiji yoze uli kuto ya yitwetwe ya Engitu, ni kuli puka yoze uli ku chifuchi cha Asuria.

Jeremia 25:30

Kashika muprofeteza maliji ano eswe kulimika no nikwamba kuli ayo ngwe, Yehova kwilu makahanjika lundunjila ku zuwo lienyi lisandu liji lienyi mulikahiohia. Kumakahanjika ni lundunjila wa tachi cha kulimika ni limba lienyi lia mapanga, kumakakololoka kulimika ni akwa hano hashi eswe, ngwe akwa kuliata uva mu ukamino.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 50:34

Alioze Mukwa-Kwakula tachi ali najo; jina lienyi Yehova-wa-Tujita. Kumakaahakwila hanga akahwimise hashi alioze akapinjise waze atwama mu Babilonia.

Ezekiel 22:14

Hamu lienu mulihasa kulinduluka, hanji moko jenu mahasa kujikiza ha matangwa aze muze mungusopa ni yenu? Yami Yehova hinachamba, mba mungukachilinga.

Joele 1:15

Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Joele 1:6

Mumu vungu limwe hilieza mu chifuchi chami; vungu limwe lia tachi, chipwe kwaalulla kutuchi kuhasa. Mazo jo kapwa ngwe mazo a ndumba; yiwunji yo kuyapwa ngwe ya ndumba munene.

Joele 2:1

Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Joele 2:25

Mungukanwaha miaka yize ayilile kuli makumbi, ni tuzeze, ni yambi, ni mapasu. Mbunga yinene ya tujita twami natumine hakachi kenu.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Joele 3:16

Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Amose 1:2

Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Amose 5:18

Lamba kuli yenu nunazange tangwa lia Yehova! Kuchi te nunafupu tangwa lia Yehova? Liapwa milima hi pangu ko

Amose 5:20

Tangwa lia Yehova milima, hi pangu ko. Ufuku pwi uliko ni mwalwa wakuhi.

Obadia 1:15

Mumu tangwa lia Yehova hiliakundama ku mavungu eswe. Chizechene walingile yena, chocho nawa makulinga. Yitanga ye muyikahilukila ha mutwe we.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Malaki 3:2

Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Kwalula 24:23

Iye yata chishima chino ngwenyi, Mama yami! Iya matwama ni mwono muze Zambi malinga chino?

1 Tesalonika 4:16

Mumu Mwene, iye mwene, kumakahulumuka mwilu, ni liji lia mutambi, ni liji lia mungelo wa lutwe, ni chitavwi cha Zambi: ni afu muli Kristu kumakalianga kuhinduka.

Usolwelo 18:8

Kashika ha tangwa limuwika lamba lienyi kumulikeza, kufwa ni kunenganyana, ni kapunga; kumakamwocha ni kahia; mumu mukwa ngolo, Mwene Zambi yoze wakumupatwila.

Usolwelo 6:17

Mumu tangwa linene lia utenu wenyi hilineza, mba iya mahasa kumana?