Joele 2:10 - MUKANDA USANDU WA ZAMBI 1975

¹⁰ Kumeso jo hashi kuhakunyika, ni lilu kunakuchikima. Tangwa ni kakweji kakulá, ni matongonoshi kakulitwamina kutemuka.

Mukanda Wa Zambi 1970

¹⁰ Kulutwe lio hashi haananyiki; lilu linachikima. Tangwa ni kakweji yinalaa bwii, matongonoshi haajilala.

Joele 2:10 Iomraidhean Croise

Miaso (Masamu) 114:7

Ena hashi, chikima kumeso ja Mwene; kumeso ja Zambi ya Yakomba,

Miaso (Masamu) 18:7

Haze hene hashi hanyikine nikuchikima, fundamentu ja milundu nawa jachikimine, janyikine mumu iye hanatenuka.

Izaya 13:10

Mumu matongonoshi a mwilu ni mbunga jo kechi katemuka; tangwa mulikalá ha kuvumbuka ni kakweji kechi katwa mweji.

Izaya 34:4

Mbunga ya mwilu muyikapola, ni malilu maavunga ngwe mukanda wa chivungo. Wunji wo muukaholoka ngwe mafwo akuholoka ku mutondo wa uva, ngwe mafwo akuholoka ku mukuyu.

Izaya 5:30

Kumakakenanyinako ha tangwa lize ngwe kuchungula cha kalunga-lwiji. Nyi umwe matala ku chifuchi, kumanyi milima ni kupinda, ni mwalwa unala ni malelwa jako.

Jeremia 4:23

Natalile hashi, kumanyi hapwa hamokomoko ha hululu; natalile kwilu kumanyi kukushi pangu.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Amose 5:8

Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Nahume 1:5

Milundu kuyakuchikima kumeso jenyi ni mindundena yakusangunuka. Hashi kuhakwalumuka ha hululu kumeso jenyi; ni muno-muze ni enyamo eswe.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Mateu 27:51

Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile;

Yilinga 2:20

tangwa kumulikalumuka milima, ni kakweji kumakalumuka manyinga, shimbu tangwa lia Mwene kanda liza, tangwa lize linene ni liakusolola uhenya.

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.

Usolwelo 6:12

Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga.

Usolwelo 8:12

Mungelo wamuchiwana wembile chitavwi chenyi, ni chihanda chimuwika cha ku yihanda yitatu ya tangwa chalambiwile, ni chihanda chimuwika cha ku yihanda yitatu ya kakweji, ni chihanda chimuwika cha ku yihanda yitatu ya matogonoshi; hanga chihanda chimuwika cha ku yihanda yitatu yayo chikalé, hanga mwalwa kuuchi kasoloka ha chihanda chimuwika cha ku yihanda yitatu yawo, ni ufuku chizechene.

Usolwelo 9:2

Iye wázulwile jondo: mwandukile mwishi mu jondo ngwe mwishi wa ku lutengo munene; ni tangwa ni mu tetela yalayile ni mwishi wa mu wina.