Joele 2:1 - MUKANDA USANDU WA ZAMBI 1975

¹ Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Mukanda Wa Zambi 1970

¹ Humunenu chitavwi, twenu milolo ha Zione, mulundu wa chijila cha Zambi, mumu ha lamba lize mulikeza. Yenu Ayuda Chikimenu! Tangwa lia Mwene Zambi mulikeza susumuku.

Joele 2:1 Iomraidhean Croise

1 Sango Ja Mianangana 15:28

Chocho A-Izalele eswe anehene mushete wa usendo wa Yehova ni kulikwiza chinji, ni liji lia njalamina, ni yitavwi, ni sembalu, nikwimba ni tachi ni yisaji ya kusa ni tulialia.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 87:1

Fundamentu jenyi jili mu milundu yisandu.

Kutuhuka 10:14

E makumbi akandukile ha chifuchi cheswe cha Engitu. Yapwila ha njiza jeswe ja Engitu mazaji anene chikolo. Chipwe kunyima kukwapwile makumbi niamwe ngwe waze, chipwe kulutwe kukuchi kapwa niamwe ngwe waze, ka.

Izaya 13:6

Lilenu mbimbi, mumu tangwa lia Yehova hiliakundama; muliza ngwe kwenyeka cha kuli Mukwa-Ndundo-Jeswe.

Izaya 13:9

Tangwa lia Yehova kulineza, lia uswi, ni ufwatulo, ni utenu usasu, akapwise hashi ngwe puya nikushiha akwa shili jaho.

Izaya 2:12

Mumu Yehova-wa-Tujita kali ni tangwa lia kulimika ni akwa kulengumuka ni akwa kulizata eswe, kulimika ni akwa kulifuza eswe ni kwanunguna,

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Jeremia 16:10

Ha kwambulwila wano atu maliji ano eswe, o mamba kuli yena ngwo, Kuchi te Yehova hanambe yipi yino yinene yeswe hali yetu? Uhenge wetu uka? Mulonga uze twavulumuna Yehova Zambi yetu uka?

Jeremia 16:7

Niumwe mapalula mbolo ni yoze wafwisa, akamulembejeke mumu hali mufu. Niumwe mamwaha musenge wa kulembejeka akanwe mumu hali tato hanji naye.

Jeremia 4:5

Ambenu mu Yunda; tambikenu mu Yerusaleme ngwenu, Humunenu chitavwi ndusu mu chifuchi, tambikenu ngwenu, Kungulukenu tukaye tukanjile mu yihunda ya kukolesa.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Ezekiel 12:23

Kashika, walumbunwine ngwe, Mwene Yehova kanambe ngwenyi, Kumungukasulisa chishima chino. Kechi kachita nawa ngwe chishima mu Izalele. Alioze amba kuli ayo ngwe, Matangwa hakundama, ni umanunwino wa usolwelo weswe.

Ezekiel 21:12

Teta ni kulila mbimbi, ena mwana mutu, mumu kapwa wa kulimika ni atu jami, ni kulimika ni alemu eswe a Izalele. Hanaakunjika ku katana hamwe ni atu jami. Kashika Ulambe ha shina lia kulu lie.

Ezekiel 30:3

Mumu lie tangwa hiliakundama; lie tangwa lia Yehova hiliakundama. Kumulikapwa tangwa lia malelwa; mwaka wa akwa mavungu.

Ezekiel 33:3

nyi iye mamona katana kaneza ha chifuchi mahumuna chitavwi nikutoweza atu;

Ezekiel 33:6

Alioze nyi kalayi mamona katana kaneza hindu kahumwine chitavwi, atu kevwile liji lia kutoweza, mba katana meza, manda mweswawo hakachi ko; au lunga hamwanda mu uhenge wenyi, alioze manyinga jenyi mungufwetesa hali mwe kalayi.

Ezekiel 7:10

Talenu lie tangwa! Talenu, lineza! Kuji-ni-tomo lienu hilieza. Mbwechi hiyatemuna yitemo; kulengumuka hichasoka.

Ezekiel 7:12

Mwaka hiweza, tangwa linakundama. Mukwa kulanda kanda alikwiza; mukwa kulanjisa kanda alinyenga, mumu ufwatulo unashate mbunga yo yeswe.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Daniel 9:20

Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Hosea 5:8

Humuna njalamina mu Ngibia; humuna chitavwi mu Rama. Sunga utoweze atu ku Mbete-Avene; ena Mbenjamine, chikima!

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Joele 1:15

Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 2:15

Humunenu chitavwi mu Zaione. Liselenu tangwa lisandu lia kulitwamina kulia. Tambikenu chikungulwila chilemu.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Joele 3:17

Chocho munukanyingika ngwenu, Yehova iye Zambi yetu katwama ha mulundu wenyi usandu wa Zaione. Mba Yerusaleme muyikapwa yisandu, ni yilambala kechi kupalikako nawa.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Amose 5:18

Lamba kuli yenu nunazange tangwa lia Yehova! Kuchi te nunafupu tangwa lia Yehova? Liapwa milima hi pangu ko

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Obadia 1:15

Mumu tangwa lia Yehova hiliakundama ku mavungu eswe. Chizechene walingile yena, chocho nawa makulinga. Yitanga ye muyikahilukila ha mutwe we.

Zefania 1:14

Tangwa linene lia Yehova linakundama; linakundama fuji-fuji. Chizungozungo cha tangwa lia Yehova chisasu; kwenako akwa ndundo mateta ni lijilinene.

Zefania 1:16

tangwa lia liji lia chitavwi ni kukalumioka cha jita kulimika ni yihunda ya kukolesa; cha kulimika ni yipanga-ya-mawe yisuku.

Zefania 1:7

Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.

Zefania 3:11

Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Zakaria 14:1

Limwe tangwa lia Yehova kulineza muze upite wenu wa kupupa makaupangila hakachi kenu.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Kwalula 10:2

Ulifulile yitavwi yiali ya prata. Uyifule ku milimo ya kutatula. Yikapwe ya kutambika chikungulwila, ya kwakatwisa ku yilombo.

Kwalula 10:3

Muze mayimba yeswe ni yiali akwa chikungulwila eswe malikungulwila kuli yena ku chikolo cha mbalaka ya chikungulwila.

1 Korintu 14:8

Mumu kachi chitavwi muchihana liji lize kulialumbunukine, iya malulika ha jita?

Filipu 2:12

Chocho kashika, yenu akwetu a zango, chizechene ngwe nwakwononoka matangwa eswe, hi kumeso jami wika ko, alioze haliapwila Shinaho chikolo se yami chishiko, manununenu ulamwino wa yenwene ni woma ni kuchikima;

1 Tesalonika 5:2

Mumu yenwene nunanyingika pundu, tangwa lia Mwene chocho muliza ngwe mwiji ha ufuku.

Tiangu (Jake) 5:8

Ni yenu nawa, lihumikizenu; takamisenu mbunge jenu: mumu kuheta cha Mwene hichakundama.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

Usolwelo 6:17

Mumu tangwa linene lia utenu wenyi hilineza, mba iya mahasa kumana?