Joele 1:9 - MUKANDA USANDU WA ZAMBI 1975

⁹ Mulambu wa wunga ni mulambu wa kunwa hiyinapatuka mu zuwo lia Yehova. Asasendote, tuvumbi twa Yehova, kanalili.

Mukanda Wa Zambi 1970

⁹ Kukushi mbuto chibwe vinyu yakulambula mu zuwo lia Zambi; mahako kaakulila mumu keeshi milambu ya kulambula Zambi.

Joele 1:9 Iomraidhean Croise

2 Sango Ja Mianangana 13:10

Alioze ha kutwala kuli yetu Yehova iye Zambi yetu, kutwamwehukile. Tuli ni asasendote ana ja Arone kanalingila Yehova, ni A-Levi ku milimo yo.

Kutuhuka 28:1

Ukakundamise kuli yena yayenu Arone ni ana jenyi a malunga hamwe nenyi, kwachiza kuli A-Izalele hanga iye akangulingile usasendote; ni Arone, ni Nandambe, ni Ambihu, ni Elieza, ni Itama, eswe te ana a malunga a Arone.

Izaya 61:6

Alioze yenu manutongola ngwo, Asasedote ja Yehova, atu manufumanyisa ngwo, Tuvumbi twa Zambi yetu. Munukalia upite wa mavungu, nikulisamba mu yikumba yo.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Hosea 9:4

Kechi kuzuza milambu ya vinyu kuli Yehova: kechi kuhasa kumuwahisa ni yitapo yo. Mbolo yo muyipwa ngwe mbolo ya waze hafwisa; mweswe mayilia malichisa, mumu mbolo yo muyipwa ya zala yo wika, kuyichi kuheta mu zuwo lia Yehova.

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Joele 2:14

Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Joele 2:17

Asasendote, tuvumbi twa Yehova, akalilime hakachi ka chikolo ni chilumbilo, nikwamba ngwo, Yehova, vwila keke atu je. Kanda uhana chihinga che chikasauke hanga akwa mavungu akachiyule. Muchiwaha akambe hakachi ka mavungu ngwo, Zambi yo kulihi ali?