Joele 1:8 - MUKANDA USANDU WA ZAMBI 1975

⁸ Lilenu ngwe *virgem unazala chikeleyi mumu hali lunga lia wanuke wenyi.

Mukanda Wa Zambi 1970

⁸ Yenu atu, lilenu mbimbi ngwe umwe mwana pwo unalili lunga lienyi nyi hafwa yoze wamutendele.

Joele 1:8 Iomraidhean Croise

Yishima 2:17

yoze wakwehuka sepa lia ukweze wenyi, ni kakuvulama usendo wa Zambi yenyi.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Izaya 32:11

Chikimenu, enu mapwo nunahwimi, pwenu ni lwaji, enu kunushi woma; Zulenu, lifukulenu nukazale chikeleyi mu zalilo jenu.

Jeremia 3:4

Ngwami haliapwila wangusanyika ngwe, Tata, uli sepa lia ukweze wami—

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Malaki 2:15

Zambi te katulingilile spiritu ya mwono nikuyiholesa? Mba yika anazange? Ana ja uwayilo kevwe. Kashika keyelenu, niumwe kandapwa ni mafwefwe kuli pwo lia ukweze wenyi.

Tiangu (Jake) 5:1

Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.