Joele 1:7 - MUKANDA USANDU WA ZAMBI 1975

⁷ O hanenyeka mutondo wami wa uva. Hanamakuna mukuyu wami; hanauhulula nikuumbila; mitango yawo hanayitomesa tó.

Mukanda Wa Zambi 1970

⁷ Heenyeka yichakata ya vinyu yetu, haahulula mitondo yetu ya mikuyu. Mitango yawo haayihula yula, hiyatoma yeswe too.

Joele 1:7 Iomraidhean Croise

Miaso (Masamu) 105:33

Walambile yinjinda yo nawa ni mikuyu yo. Wamakwine mitondo ya mu manjiza jo.

Kutuhuka 10:14

E makumbi akandukile ha chifuchi cheswe cha Engitu. Yapwila ha njiza jeswe ja Engitu mazaji anene chikolo. Chipwe kunyima kukwapwile makumbi niamwe ngwe waze, chipwe kulutwe kukuchi kapwa niamwe ngwe waze, ka.

Kutuhuka 10:15

Mumu afukile hashi heswe, chocho chifuchi yichilá pwi. Chocho yalia yeswe ya kusoka mu yambu ni mihuko ya mitondo yize yalisalaho ku chiwe. Kukwasalile chuma cha kusoka nichimwe, chipwe mutondo, chipwe chize cha mu yambu, ka, ndusu chifuchi cheswe cha Engitu.

Izaya 24:7

Vinyu yinalishimwoka, ni mitondo ya uva yinahongo, akwa mbunge ja chiseke eswe kanatu mikuma.

Izaya 32:12

Lilambenu ha mapambo nikulishimwoka mumu ha minda yipema, ni ha mutondo wa kwima uva,

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Jeremia 8:13

Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Hosea 2:12

Mungukenyeka mitondo yenyi ya uva ni ya makuyu, yize ayambile ngwenyi, Fweto yami yenayo akwa zango liami anguhele. Mungukayipwisa usaki mba tushitu a mu yambu makayilia.

Joele 1:12

Mutondo wa uva hiunomu; mukuyu unalele. Chipwe mitondo ya romana, ni ya mingaji, ni ya masá, ewa, mitondo yeswe ya kutumba hiyinomu. Ni chiseke cha ana ja atu hichinomu nawa.

Amose 4:9

Nanulambile ni makonya ni mbundu; napwishile manaka jenu ni minda yenu ya uva ya hululu; mikuyu yenu ni miolevwe yenu yahwile kuli makumbi. Hindu kunwahilukile kuli yami. Chocho kanambe Yehova.

Habakuke 3:17

Chipwe mukuyu kuuchi kutemuna; chipwe miuva kuyishi mihuko; chipwe mihuko ya mitondo ya olevwe muyihona; chipwe minda kuyishi kupwa ni kulia; chipwe pembe ni panga masutuka ku limba ni ngombe akuhi mu matanga,

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.