Joele 1:2 - MUKANDA USANDU WA ZAMBI 1975

² Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Mukanda Wa Zambi 1970

² Yenu tushinakaji a malunga kanyamenu, mutu mweswe mu Yuda, banjika. Hinunamono kama Chuma chino ha matangwa jenu chibwe ha matangwa ja tushakulu twenu, nyi?

Joele 1:2 Iomraidhean Croise

Jobe 12:12

Mana kakutwama ni makulwana; kwoka cha matangwa kuchakuneha yinyingi.

Jobe 15:10

Ni akwa kambu jitoma ni tushinakaji tuli no hamwe ni yetu; makulwana ja tatenu.

Jobe 21:7

Kuchi te yingulungulu kakutwama ni mwono? Kuchi te kakuheta ku ushinakaji nikwokesa tachi?

Jobe 8:8

Hula kama ha kutwala ku miaka ye kushi; Zewula chize tulamba lianalilongesa.

Miaso (Masamu) 49:1

Ivwenu chuma chino, enu mavungu eswe. Panjikenu, enu eswe nwatwama hano hashi.

Izaya 34:1

Enu, mavungu, kundamenu nwivwe, enu minyachi, panjikenu! Hashi kakevwe, ni waze eswe akuzalisaho, ni muno-muze ni yuma yeswe yakusemukamo.

Izaya 7:17

Yehova makukokela yena, ni atu je, ni munyachi we, matangwa kanda nuchiamona chize ku tangwa lize Eframe wakatukile ku Yunda—mwe mwanangana wa Asuria.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Amose 3:1

Enu A-Izalele, ivwenu liji lino Yehova hanahanjika lia kulimika ni yenu, munyachi uze weswe nachijile ku chifuchi cha Engitu, ngwami,

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:1

Enu munyachi wa Izalele, ivwenu liji lino ngunande lia kunulilila. Ngwami,

Mika 1:2

Ivwenu enu eswe akwa mavungu; panjika ena hashi ni yuma yeswe yiliho, hanga Mwene Yehova akapwe chela wa kunushindakenya, mwe Mwene ku tembele yenyi yisandu.

Mika 3:1

Yingwamba ngwami, Ivwenu, enu akwa lutwe mu Yakomba, akwa kuyula mu munyachi wa Izalele! Te kuchanutambile kunyingika upatwilo wa kulita?

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Mateu 13:9

Yoze uli ni matwi a kwivwa, evwe.

Mateu 24:21

mumu hohene kumukukapwa luyinda munene, ngwe kanda hamoneka hano hashi chize ku uputukilo wa hashi ndo haliapwila, chipwe kechi kapwa nawa.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.