Joele 1:18 - MUKANDA USANDU WA ZAMBI 1975

¹⁸ Yimuna anatu mikuma Chichize! Matanga a yimuna kanapinji mumu kelo jakuhi. Chipwe yendo ya mapanga kanamono lamba.

Mukanda Wa Zambi 1970

¹⁸ Ngombe kaanendangana ni kuteta mumu keeshi ni haze maalia; chibwe yendo ya mapanga kaanamono lamba.

Joele 1:18 Iomraidhean Croise

1 Yitanga Ya Mianangana 18:5

Ahabe yamba kuli Obadia ngwenyi, Palika ndusu mashima a meya eswe mu chifuchi, ni ku yitwetwe yeswe, hanji mutuwana jimwe kelo ja kulamwina najo tuvwalu ni mula. Nyi ka eswe matutoka.

1 Yitanga Ya Mianangana 8:5

Mwanangana Solomone ni chikungulwila cheswe cha Izalele waze hakungulukila kuli iye, te kanamana hamwe nenyi kumeso ja mushete nikushiha mapanga ni ngombe kechi kuhasa kwaalula mumu oka naye.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Joele 1:20

Chipwe tushitu a mu yambu kanahwimashana kuli yena, mumu meya a mu yitwetwe hanomu, ni kahia hikalalisa ku ulilo wa mu puya.

Amose 1:2

Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Habakuke 3:17

Chipwe mukuyu kuuchi kutemuna; chipwe miuva kuyishi mihuko; chipwe mihuko ya mitondo ya olevwe muyihona; chipwe minda kuyishi kupwa ni kulia; chipwe pembe ni panga masutuka ku limba ni ngombe akuhi mu matanga,

Hagai 1:10

Kashika malilu helu lienu kanuhele mume, ni mavu hanumina mbuto.

A-ROMA 8:22

Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila.