Joele 1:15 - MUKANDA USANDU WA ZAMBI 1975

¹⁵ Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Mukanda Wa Zambi 1970

¹⁵ Mama yami! Tangwa lia Mwene Zambi hiliakundama; tangwa lize Mukwa Ndundo Jeswe meza nikwonona. Mwongo kuhiana!

Joele 1:15 Iomraidhean Croise

Miaso (Masamu) 37:13

Mwene kumamuseha mumu kanamono ngwenyi, Tangwa lienyi kulineza.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Ezekiel 30:3

Mumu lie tangwa hiliakundama; lie tangwa lia Yehova hiliakundama. Kumulikapwa tangwa lia malelwa; mwaka wa akwa mavungu.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Obadia 1:15

Mumu tangwa lia Yehova hiliakundama ku mavungu eswe. Chizechene walingile yena, chocho nawa makulinga. Yitanga ye muyikahilukila ha mutwe we.

Zefania 1:7

Holenu kumeso ja Mwene Yehova, mumu tangwa lia Yehova hiliakundama hakamwihi; Yehova hanalulika yitapo ni kusela ku usandu ngeji jenyi.

Tiangu (Jake) 5:9

Kanda nulinyenyeta mandumbu, umwe hali mukwo ni mukwo, hanga kechi kanupatwila: Sopi kanamana ku pito.

Usolwelo 6:17

Mumu tangwa linene lia utenu wenyi hilineza, mba iya mahasa kumana?