Joele 1:14 - MUKANDA USANDU WA ZAMBI 1975

¹⁴ Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Mukanda Wa Zambi 1970

¹⁴ Tambikenu Chikungulwila cheswe; kungululenu makulwana eswe ni Ayuda akwo eswe mu zuwo lia Mwene Zambi, Zambi yenu. Hanenu Shimbi ya kulitwamina kulia hanga nulile kuli Zambi.

Joele 1:14 Iomraidhean Croise

1 MIANANGANA 10:20

Jehu yamba ngwenyi, Selenu chikungulwila chilemu hali Mbale. O yachilakenya.

2 Sango Ja Mianangana 20:13

A-Yunda eswe amanyine kumeso ja Yehova hamwe ni ana jo akepe, ni mapwo jo, ni ana jo a malunga.

Nehemia 8:18

Chikwo nawa tangwa ha tangwa chize ku tangwa litangu ndo ku tangwa liasula watangile mu mukanda wa shimbi ja Zambi. Yafunga chiwanyino matangwa shimbiali, mba ha tangwa liamuchinake kwapwile kukunguluka chilemu nikulita ni shimbi.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 36:9

Ha mwaka wamuchitano wa Jehoakime mwana Josia mwanangana wa Yunda, ha kakweji wamuchilivwa atu eswe mu Yerusaleme ni atu eswe waze akatukile ku yihunda ya Yunda nikwiza ku Yerusaleme, yatongola shimbu lia kulitwamina kulia kumeso ja Yehova.

Joele 1:2

Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Alevi 23:36

Matangwa shimbiali munulambula milambu ya kahia kuli Yehova. Ha tangwa liamuchinake munupwa ni chikungulwila chisandu nukalambule mulambu wa kahia kuli Yehova. Acho chikungulwila chilemu, kanda nulinga milimo niyimwe yilemu.

Yona 3:5

Akwa Ninive afulielele Zambi. Yasela matangwa a kulitwamina kulia. Yazala yikeleyi chize kuli anene hakachi ko ndo kuli akepe.

Yona 3:8

Alioze akalifuke ni chikeleyi, ni mutu ni chimuna, akatete kuli Zambi ni tachi. Akakatuke mweswe ku jila yenyi yipi ni ku upupilo uze uli mu moko jenyi.

Zefania 2:1

Enu akwa vungu kulishi sonyi, Swilenu mu chikungulwila,