Joele 1:13 - MUKANDA USANDU WA ZAMBI 1975

¹³ Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Mukanda Wa Zambi 1970

¹³ Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Joele 1:13 Iomraidhean Croise

2 Samuel 12:16

David walembelele mwana kuli Zambi. David kalile. Wanjilile nikupomba ha mavu ufuku weswe.

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Izaya 61:6

Alioze yenu manutongola ngwo, Asasedote ja Yehova, atu manufumanyisa ngwo, Tuvumbi twa Zambi yetu. Munukalia upite wa mavungu, nikulisamba mu yikumba yo.

Jeremia 4:8

Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Ezekiel 21:12

Teta ni kulila mbimbi, ena mwana mutu, mumu kapwa wa kulimika ni atu jami, ni kulimika ni alemu eswe a Izalele. Hanaakunjika ku katana hamwe ni atu jami. Kashika Ulambe ha shina lia kulu lie.

Ezekiel 27:31

Kanalitewula mumu hali yena ni kuzala chikeleyi; kanakulilila mbimbi ni kusasaminya mu mbunge, ni kulishimwoka chisasu.

Ezekiel 7:18

Kakuzala chikeleyi; mwongo waafuka; sonyi jili ha meso eswe; eswe halitewula mitwe.

Hosea 9:5

Yika munulinga ha tangwa lia chiwanyino cha kufunjika, ha tangwa lia chiwanyino cha Yehova?

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Joele 2:14

Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Joele 2:17

Asasendote, tuvumbi twa Yehova, akalilime hakachi ka chikolo ni chilumbilo, nikwamba ngwo, Yehova, vwila keke atu je. Kanda uhana chihinga che chikasauke hanga akwa mavungu akachiyule. Muchiwaha akambe hakachi ka mavungu ngwo, Zambi yo kulihi ali?

Kwalula 28:14

Ni milambu yo ya kunwa yikapwe ya chihanda cha hakachi cha hine ya vinyu hali chimbembe wa kuji, ni chihanda chimuwika cha ku yihanda yitatu ya hine hali mwe kuji ya panga, ni chihanda chimuwika cha ku yihanda yiwana ya hine hali mwanapanga. Uno we mulambu wa kulumba wa kakweji ha kakweji, ndusu tukweji twa mwaka.

Kwalula 28:4

Mwanapanga umuwika ukamulambule ha chimene, ni umuwika ukamulambule ha chingoloshi;

Kwalula 28:7

Ni mulambu wawo wa kunwa ukapwe wa chihanda chimuwika cha ku yihanda yiwana ya hine, hali mwanapanga umuwika. Muma musandu Ukazujile Yehova mulambu wa kunwa chisasu.

Kwalula 29:6

Kuweza ku mulambu wa kulumba wa ha kakweji mwaha, ni mulambu wawo wa wunga, ni mulambu wa kulumba wa matangwa eswe, ni mulambu wawo wa wunga, ni milambu yayo ya kunwa, nikulita ni chiyulo chayo, yikapwe lupembo mupema, mulambu wa kahia kuli Yehova.

1 Korintu 4:1

Mutu mweswe atumone ngwe tuvumbi twa Kristu, ni tuselo twa yijimbikilo ya Zambi.

1 Korintu 9:13

Kunwanyingikine, nyi? Waze akulingila yuma yisandu kakulia yuma ya ku tembele, ni waze akulingila ku chilumbilo, kakupwa ni chihanda cha ku chilumbilo?

2 Korintu 11:23

O tuvumbi twa Kristu, nyi? (Ngunahanjika ngwe ngunazaluka) yami nahianaho; nikukilikita kuhiana chikolo, mu mazuwo ja ususu kuhiana chikolo, ni mijiji yahiana naye, ni kufwa kanji.

2 Korintu 3:6

Iye Mwene hanatuhashisha ngwe tuvumbi twa usendo waha; hi wa ku lusona ko, alioze wa kuli Spiritu: mumu lusona kakushiha, alioze Spiritu kakupwisa ni mwono.

2 Korintu 6:4

alioze ni yuma yeswe tukasolole chinyingi ngwe tuvumbi twa Zambi, ni uhumikizo wunji, ni luyinda, ni huli, ni kupinda,

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.