Joele 1:12 - MUKANDA USANDU WA ZAMBI 1975

¹² Mutondo wa uva hiunomu; mukuyu unalele. Chipwe mitondo ya romana, ni ya mingaji, ni ya masá, ewa, mitondo yeswe ya kutumba hiyinomu. Ni chiseke cha ana ja atu hichinomu nawa.

Mukanda Wa Zambi 1970

¹² Mitondo ya vinyu ni ya mikuyu hiyoma; mitondo yeswe ya mihuko hiyalela, hiyoma. Uwahililo wa atu hiwahwa.

Joele 1:12 Iomraidhean Croise

Miaso (Masamu) 4:7

Hiunase chiseke mu mbunge yami, kuhiana chize mapwa nacho muze mbuto yo ni vinyu yo hiyoka.

Miaso (Masamu) 92:12

Mukwa ululi kumakawaha ngwe mungaji. Kumakatatuka ngwe musedru wa mu Lebano.

Mwaso Ubema Wahiana 2:3

Ngwe mutondo wa masá hakachi ka mitondo va mu yambu, chocho mukwa zango liami kapwa hakachi ka akweze. Natwamine mu Chizulie chenyi nikuwahilila chikolo, mihuko yenyi kuyemayo mu kanwa liami.

Mwaso Ubema Wahiana 4:13

Upeme we wapwa ngwe munda wa romana ni mihuko yeswe yipema; hena ni nardo,

Izaya 16:10

Uwahililo ni chiseke hanayichiza ku minda ya mihuko. Mu minda ya uva kembile nawa miaso, katambikile; niumwe mukwa kukama kanalingi milimo yenyi mu ukamino wa uva; mitambi ya kucha hiyahola.

Izaya 24:11

Ku matapalo muteto uliko mumu ha kuhona vinyu; uwahililo weswe hiwaheta ku songo ngwe chingoloshi; chiseke cha hashi hanachihumu.

Izaya 24:7

Vinyu yinalishimwoka, ni mitondo ya uva yinahongo, akwa mbunge ja chiseke eswe kanatu mikuma.

Izaya 9:3

Hiwokesa lie vungu, hiwaweza ku uwahililo walio; kanawahilila kumeso je ngwe uwahililo wa kucha, ngwe malunga kakuwahilila ha kulipangila upite wa kupupa.

Jeremia 48:3

Ivwenu muteto ku Horonaime, kwenyeka ni kwonwona chinene!

Jeremia 48:33

Chiseke ni uwahililo hayichiza ku chifuchi cha Moape cha mihuko. Hinasulisa vinyu ku ukamino; niumwe mauliachila ni kukololoka cha uwahililo. Kukololoka chacho hi cha uwahililo ko.

Joele 1:10

Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Yona 4:7

Alioze ha kucha Zambi yalulika katutu, yalia mwe lwitwi, yoma.

Hagai 2:19

Mbuto hindu yinatwama mu machila? Mitondo ya uva, ni ya makuyu, ni romana, ni olevwe hindu kuyemine? Chize ku tangwa lino mungunuwahisa.

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.

Kwalula 13:23

Yaheta ku chikulo cha Esekole, yatetako mutango ni chichakata chimuwika cha uva, atu aali yachikulika ha mukambo. Yatwala nawa jimwe romana ni makuyu.