Joele 1:11 - MUKANDA USANDU WA ZAMBI 1975

¹¹ Enu njimi, ivwenu sonyi; enu akwa kululika miuva, lilenu mbimbi mumu ha tiliku ni ha sevada. Mumu mbuto ya mu minda hiyafuwa.

Mukanda Wa Zambi 1970

¹¹ Yenu njimi lishimwokenu; yenu nwakululika vinyu, lilenu mbimbi mumu tiriku, ni masa, ni mbuto yeswe haayenyeka.

Joele 1:11 Iomraidhean Croise

Izaya 17:11

chipwe munuyitatwisa ha tangwa lize nwayitumba, chipwe munuyitemwisa yitemo ha chimenemene chize munukuwa, hindu kucha muchikahumuka ha tangwa lia chinyengo ni yikola yize kuyishi yitumbo.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 50:16

Tetenu mu Babilonia chikuwa ni mukwa kuteta ni kwengo ha mwaka wa kucha. Ha mukunda wa katana ka mukwa kupinjisa mutu mweswe matalikisa kuli atu jenyi, mutu mweswe machinyina ku chifuchi chenyi.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Ezekiel 30:2

Mwana mutu, profeteza wambe ngwe, Mwene Yehova kanambe ngwenyi, Lilenu mbimbi ngwenu, Mama yami, lie tangwa!

Amose 5:16

Kashika Yehova, Zambi-ya-Tujita, mwe Mwene kanambe ngwenyi, Ku malindalinda eswe kumukukapwa kulila mbimbi; mu matapalo eswe kumakamba ngwo, Mama yami! mama yami! Kumakasanyika njimi akalishimwoke; ni waze ananyingika kulila lungungu maasanyika akalile mbimbi.

A-ROMA 5:5

ni kutalatala kuchishi kukolesa sonyi; mumu zango lia Zambi hanalizukwila mu mbunge jetu ku tachi ja Spiritu Musandu yoze atuhele.