Joele 1:10 - MUKANDA USANDU WA ZAMBI 1975

¹⁰ Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Mukanda Wa Zambi 1970

¹⁰ Minda haayenyeka; ha mavu hamokomoko mumu mbuto hiyafwa. Vinyu hiyoma chau. Maji akuhi.

Joele 1:10 Iomraidhean Croise

Ubutukilo 4:12

Chize ku tangwa lia musono muze mulima ha mavu kechi kukwaha tachi jo. Kumukapwa mukwa kuchina kanda chendanganyi hano hashi.

Izaya 15:6

Meya a ku Nimerime hanaenyeka; mwambu unomu; yisokoloke hiyalela; yuma ya wisu kuyishiko nawa.

Izaya 24:11

Ku matapalo muteto uliko mumu ha kuhona vinyu; uwahililo weswe hiwaheta ku songo ngwe chingoloshi; chiseke cha hashi hanachihumu.

Izaya 24:7

Vinyu yinalishimwoka, ni mitondo ya uva yinahongo, akwa mbunge ja chiseke eswe kanatu mikuma.

Jeremia 12:11

Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 48:33

Chiseke ni uwahililo hayichiza ku chifuchi cha Moape cha mihuko. Hinasulisa vinyu ku ukamino; niumwe mauliachila ni kukololoka cha uwahililo. Kukololoka chacho hi cha uwahililo ko.

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Hosea 9:2

Yizungwilo ni ukamino wa uva kuyichi kuhasa kwalisa, ni vinyu yaha muyiahona.

Joele 1:12

Mutondo wa uva hiunomu; mukuyu unalele. Chipwe mitondo ya romana, ni ya mingaji, ni ya masá, ewa, mitondo yeswe ya kutumba hiyinomu. Ni chiseke cha ana ja atu hichinomu nawa.

Joele 1:5

Enu akwa kuzengewa, laulenu nulile. Lilenu mbimbi enu eswe nwakunwanwa vinyu, mumu ha vinyu yize yipema hanayipatula ku makanwa jenu.

Joele 2:19

Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Alevi 26:20

Munuhwisa tachi jenu mokomoko mumu mavu kechi kuhana tachi jo, ni mitondo ya chifuchi kuyichi kuhana mihuko yayo.

Habakuke 3:17

Chipwe mukuyu kuuchi kutemuna; chipwe miuva kuyishi mihuko; chipwe mihuko ya mitondo ya olevwe muyihona; chipwe minda kuyishi kupwa ni kulia; chipwe pembe ni panga masutuka ku limba ni ngombe akuhi mu matanga,

Hagai 1:11

Hinasanyika changa ha chifuchi, ni ha milundu, ni ha mbuto, ni ha vinyu yaha, ni ha maji, ni ha yuma yize mavu akwima, ni hali atu, ni hali yimuna, ni ha milimo yo yeswe.

Malaki 2:3

Mungukánjisa mbuto ye, mungukwita tuji ha meso jenu, tuji ja milambu yenu, ni yenu manumbata hamwe nayo.