Jeremia 9:4 - MUKANDA USANDU WA ZAMBI 1975

⁴ Mutu mweswe akanyame ni mwenyembo wenyi, niumwe kanda afuliela mwanakwo. Mumu mwanakwo mweswe kapwa mukwa kanjiliji, ni mwenyembo mweswe kanende ni kulamikiza.

Mukanda Wa Zambi 1970

⁴ Mutu mweswe akanyame ni mwenyembo wenyi, niumwe kanda afuliela mwanakwo, mumu mutu mweswe kakuzanga kwonga mukwo ngwe chize alingile Yakoba, mutu mweswe kaakulamikiza masepa jenyi.

Jeremia 9:4 Iomraidhean Croise

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Miaso (Masamu) 101:5

Mweswe malamikiza mukwo ku tenga mungunwonwona. Yoze uli ni meso a kulizata, ni mbunge ya kulengumuka chichi kumutayiza.

Miaso (Masamu) 15:3

Yoze keshi kulamikiza ni limi lienyi; keshi kulinga chipi kuli sepa lienyi; keshi kwanda luchoko ha kutwala kuli mwenyembo wenyi.

Yishima 10:18

Yoze masweka kole kali ni kanwa lia mahuza; mukwa kulamikiza iye chihepuke.

Yishima 25:18

Mweswe mashindakenya mahuza hali mukwo kapwa ngwe muhato, hanji katana, hanji mwivu wa kukalula.

Yishima 4:16

Wano atu kahashile kuya tulo ndo halinga chuma chipi; nyi kalimbwile umwe chakwanehena chipundu.

Yishima 4:17

Mumu kakulia mbolo ya ungulungulu; kakunwa vinyu ya upupilo.

Yishima 6:16

Yuma yisambano Yehova kalinwa nayo, ewa shimbiali yapwa chizelwokeso kuli iye.

Yishima 6:19

chela cha mahuza; yoze wakukuwa vunda hakachi ka usoko.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Jeremia 12:6

Mumu chipwe ayayenu ni munyachi wa tatenu, chipwe o halinga ni yena ni mafwefwe, kanakuhange ni kukolojoka. Chipwe mahanjika ni yena maliji apema kanda uafuliela.

Jeremia 6:28

Eswe anapu akwa kukolema a pami, nikwenda ni kulamikiza Kapwa ngwe unengu ni utale, eswe kanalingi ni ungulungulu.

Jeremia 9:8

Limi lio liapwa mwivu wa kufwa nikuhanjika kwonga. Mutu mweswe ni kanwa lienyi kakuhanjika sambukila kuli mukwo, alioze mu mbunge yenyi kakutaka kumujikinyina.

Ezekiel 22:9

Muli yena kwali malunga akwa kulamikiza hanga akamwange manyinga, ni malunga akwa kulila ha milundu, ni malunga akwa kulinga luchisa.

Alevi 19:16

Kanda nwendangana ni saki hakachi ka atu jenu. Kanda numanyina manyinga a mukwenu. Yami Yehova.

Malaki 2:10

Te eswe hi tata umuwika ko? Katutangile kuli Zambi umuwika? Nyi chocho kuchi te twakulinga ni mafwefwe umwe kuli mukwo ni mukwo nikujilula usendo wa tulamba?

Mateu 10:17

Alioze keyelenu atu, mumu kumakanukunjika kuli akwa kuyula, kumakanulamba ni shikote mu masunangonga jo.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Luka 21:16

Alioze kumakanukunjika chipwe kuli yisemi, ni asongo-ni-atu, ni usoko, ni tusendo; o kumakashiha amwe a kuli yenu.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.