Jeremia 9:26 - MUKANDA USANDU WA ZAMBI 1975

²⁶ A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Jeremia 9:26 Iomraidhean Croise

Jeremia 10:1

Enu akwa munyachi wa Izalele ivwenu liji Yehova kananwambe.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 40:11

Chocho muze A-Yunda aze eswe atwamine mu Moape, ni hakachi ka A-Amone ni A-Endome ni mu yifuchi yikwo evwile ngwo, Mwanangana wa Babilonia hahichika amwe masalila mu Yunda ni chikwo nawa hasa Gedalia mwana Ahikame mwana Shefane akapwe mukwa kwayula,

Jeremia 49:32

Tumelu two makapwa a kupupa yimuna jo makapwa upite wa jita. Yehova kanambe ngwenyi, Mungukamwangina ku mafuji eswe waze kakuteta masongo ja kambu jo. Mungukakokela kuli ayo kuji-ni-tomo kweswe kwa kwajingilika.

Jeremia 6:10

Kuli iya munguhasa kuhanjika nikumutoweza hanga akangwivwe? Matwi jo hanajiki, kahashile kupanjika. Liji lia Yehova liapwa kuli ayo chuma cha kulelesa, kawahililile nalio.

Ezekiel 31:18

Chocho walifwa neya mu uhenya ni ulemu hakachi ka mitondo ya Endene? Kumakakuhulumuna muma mushi lia muno-muze hamwe ni mitondo ya Endene. Kumukapomba hakachi ka yilima, hamwe ni waze haashiha ni katana. Mwene Yehova kanambe ngwenyi, Chocho apwa Falau ni chihuji chenyi cheswe.

Ezekiel 32:19

Wahiana iya ni upeme? Palumuka ukapombe ni yilima.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Ezekiel 44:9

Kashika Mwene Yehova kanambe ngwenyi, Hakachi ka tundaka waze eswe ali hakachi ka A-Izalele niumwe kandaka, chilima mu mbunge yenyi ni mu musunya wenyi, makanjila mu zuwo liami lisandu.

Alevi 26:41

chocho yami nalimikine no nikwatwala ku chifuchi cha akwa kole jo, ngwami, nyi mbunge jo ja ulima mujililelesa, mazeya ku lufumbo wami wa uhenge wo,

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.