Jeremia 9:25 - MUKANDA USANDU WA ZAMBI 1975

²⁵ Yehova kanambe ngwenyi, Matangwa kaneza muze munguhana kastigu kuli waze hanaupwisa ngalami hindu kapwa yilima—

Mukanda Wa Zambi 1970

^25-26 Mwene Zambi hanambe ngwenyi: “Tangwa kulineza lize mungukamwesa akwa Egiptu lamba, ni Ayuda, ni Aedome, ni Aamone, ni Amoabe, ni atu waze akutwama mu puya, waze akukamba kambu jo. Mavungu wano eswe kaali yilima, alioze keeshi kufunga Usendo wami. Atu wano eswe chibwe Aisraele keeshi kufunga Usendo wami.”

Jeremia 9:25 Iomraidhean Croise

Jeremia 25:23

ni Ndetane, ni Tema, ni Buze ni waze eswe akupatula mbango ja kambu jo.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 49:32

Tumelu two makapwa a kupupa yimuna jo makapwa upite wa jita. Yehova kanambe ngwenyi, Mungukamwangina ku mafuji eswe waze kakuteta masongo ja kambu jo. Mungukakokela kuli ayo kuji-ni-tomo kweswe kwa kwajingilika.

Ezekiel 28:10

Kumukafwa ngwe yilima ku moko ja tundaka, mumu yami hinachamba. Chocho kanambe Mwene Yehova.

Ezekiel 31:18

Chocho walifwa neya mu uhenya ni ulemu hakachi ka mitondo ya Endene? Kumakakuhulumuna muma mushi lia muno-muze hamwe ni mitondo ya Endene. Kumukapomba hakachi ka yilima, hamwe ni waze haashiha ni katana. Mwene Yehova kanambe ngwenyi, Chocho apwa Falau ni chihuji chenyi cheswe.

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Alevi 19:27

Kanda nukakelula kambu jenu ha mbalangwe. Kanda nukapihisa masongo a wevu.

Alevi 26:41

chocho yami nalimikine no nikwatwala ku chifuchi cha akwa kole jo, ngwami, nyi mbunge jo ja ulima mujililelesa, mazeya ku lufumbo wami wa uhenge wo,

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

A-ROMA 2:28

Mumu hi Ka-Yunda ko yoze wapwa Ka-Yunda ku yuma ya mujimba; chipwe hi ungalami ko uze wakusoloka mu musunya:

A-ROMA 2:29

alioze iye Ka-Yunda yoze wapwa chocho ku yuma ya muchima; ni ungalami wa mbunge, mu spiritu, hi mu lusona ko; uhaliso wenyi hi wa kuli atu ko, alioze wa kuli Zambi.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.