Jeremia 9:24 - MUKANDA USANDU WA ZAMBI 1975

²⁴ Alioze yoze malisamba alisambe mumu ha kungusa chinyingi ni ha kungunyingika, yami Yehova mukwa kulinga ni utu, ni chize chinalite, ni ululi hashi. Mumu Yehova kanambe ngwenyi, Nakuwahilila ni yuma yino.

Mukanda Wa Zambi 1970

²⁴ Yoze mazanga kulisamba, alisambe ngwenyi, kanangunyingika ni kakungwivwa. Mumu zango liami kulishi kuhwa, nakulinga yuma ya ululi ni yize yinalite. Yino ye yuma yize yakunguwahila. Yami Mwene Zambi nachamba.”

Jeremia 9:24 Iomraidhean Croise

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Miaso (Masamu) 34:2

Mbunge yami muyilisamba muli Yehova; yimbovu machivwa, mawahilila.

Miaso (Masamu) 34:3

Chichimiekenu Yehova hamwe ni yami, tunangamisenu jina lienyi hamuwika.

Miaso (Masamu) 44:8

Muli Zambi twakulisamba tangwa lieswe nganganga; jina lie mutukalihalisa ku miaka ya mutolo.(Litulike.)

Miaso (Masamu) 44:9

Alioze hiwatumbila; twasauka; kushi kutuhuka hamuwika ni tujita twetu.

Miaso (Masamu) 51:1

Zambi, nguvwile kama keke, nikulita ni utu wa zango lie. Jimuna kama milonga yami nikulita ni kulumbama cha vumbi lie.

Miaso (Masamu) 91:14

Mumu hangusela zango lienyi kashika mungumupulula. Mungumutwamisa kwilu mumu hanyingika jina liami.

Miaso (Masamu) 99:4

Tachi ja mwanangana jakuzanga upatwilo. Yena kuwakukolesa chize chinalite, kuwakupatula ni ululi muli Yakomba.

Izaya 20:5

Mba kumakalishimwoka ni kutatajala mumu ha kutenga Etiopia kutalatala cho ni ha kulisamba ni A-Engitu.

Izaya 41:16

Munukayifuza ni fuji muyikayihehula. Kangonga makaamwanga. Mba munukawahilila muli Yehova; munukalisamba muli mwe Musandu wa Izalele.

Izaya 45:25

Muli Yehova ana eswe a Izalele makumba ni kulisamba.

Izaya 61:8

Mumu yami Yehova nakuzanga upatwilo wa kulita, nakuvwila kupiha wiji ni uhenge. Ni umwenemwene mungwaaha kwononona cho, mungukolesa no usendo wa mutolo.

Jeremia 22:16

Wapatwile kanawa chikuma cha chiswale ni mukwa kuhona, miaka yize te kanawaha. Yehova kanambe ngwenyi, Chenacho te chinalumbunuka kungunyingika.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

A-ROMA 5:11

hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.

1 Korintu 1:31

hanga, nikulita ngwe chinasonewa ngwo, Yoze malisamba, akalisambe muli Mwene.

2 Korintu 10:17

Alioze yoze malisamba akalisambe muli Mwene.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Galashia 6:14

Alioze kanda chikapwa kama kuli yami kulisamba shina mu kulusu ya Mwene Yesu Kristu, ku yenayo hanashihi yuma ya hashi kuli yami, ni yami hanangushihi ku yuma ya hashi.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.