Jeremia 9:21 - MUKANDA USANDU WA ZAMBI 1975

²¹ Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Mukanda Wa Zambi 1970

²¹ Kufwa hichanjila mu tupenda twetu, hichanjila mu mazuwo jetu a wanangana: hichashiha ana mu majila, ni hichashiha akweze ku makano.

Jeremia 9:21 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Izaya 40:30

Chipwe akweze malezumuka nikwivwa yikatalo, ni akweze a tachi mahonga,

Jeremia 15:7

Hinaafuza ni chikungo cha kufuza nacho mwe mu yikolo ya chifuchi. Hinaashiha atu jo, hinonwona atu jami, kakatukile ku ndako jo.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 44:7

Haliapwila Yehova Zambi-ya-Tujita, mwe Zambi ya Izalele kanambe ngwenyi, Kuchi te nunalingi chuma chino chipi chikolo cha kulimika ni yenwene, nukatete hakachi ka A-Yunda malunga, ni mapwo, ni kemba, ni mwana, ni masalila akuhi?

Jeremia 50:30

Kashika akweze jenyi mafwa ku malindalinda ja matapalo jenyi, ni maswalale jenyi eswe kumakaonwona ha tangwa lize. Chocho kanambe Yehova.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 6:21

Kashika Yehova kanambe ngwenyi, Mungusa kulutwe lia wano atu yitalingiso hanga akalimbukileho, ni atato ni ana jo hamuwika, ni mwenyembo ni sepa makakuwa.

Jeremia 7:33

Mijimba ya afu ja vungu lino muyipwa kulia kuli tujila a mu tetela, ni kuli tushitu a mu yambu, ni kukuchi kupwa akwa kwayingila.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Joele 2:9

Kakutumbuka ha chihunda; kakulundumukina ha yipanga, kakunyinanyina ku mazuwo nikunjila ku njanela ngwe eji.

Amose 5:2

Mwe *virgem Izalele halimbuka kechi kakatuka nawa. Hamwehuka mu chifuchi chenyi ni yoze mamuhindwisa wakuhi.

Amose 6:9

Nyi kumi lia malunga masala mu zuwo limuwika kumakafwa.

Zefania 1:17

Hali atu mungukokela kupinda, chocho kumakenda ngwe tupuputa, mumu hanavulumuna Yehova. Makazukula manyinga jo ngwe fufuta, ni musunya wo ngwe tuji.