Jeremia 9:19 - MUKANDA USANDU WA ZAMBI 1975

¹⁹ Mumu liji lia kulila mbimbi tunalivu mu Zaione ngwo, Twalumbuka Chichize! Hanatukolesa sonyi liakulu mumu hitwahichika chifuchi, hanunguna mazuwo jetu.

Mukanda Wa Zambi 1970

¹⁹ Banjikenu liji lia mbimbi mu Zione ngwo: “Kutwanonga! Sonyi hijatukwata! Chatutamba kukatuka mu chifuchi chetu; haabuzwola mazuwo jetu.”

Jeremia 9:19 Iomraidhean Croise

Izaya 32:9

Katukenu enu mapwo nunahwimi, nwivwe liji liami; enu ana ja mapwo kunushi woma, panjikenu chize ngunambe.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 2:14

Izalele te kapinji? Te mwana wa ha chihunda? Kuchi te nyi hanalumuka wa kupunda?

Jeremia 4:13

Talenu, kaneza ngwe malelwa, ni matemba jenyi ngwe chijimbi, tuvwalu twenyi kali ni tambu kuhiana pupa— lamba lietu, hitwanonga!

Jeremia 4:20

Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Jeremia 7:15

Mungunumbila kumeso jami chizechene ngwe nambilile usoko wenu eswe ana eswe ja Eframe.

Jeremia 7:19

Yehova kanambe ngwenyi, Yami anehi? Hi ene ko hanga akevwe sonyi?

Jeremia 7:29

Tewula kambu je ujimbile; imba lungungu ha milundu ya hululu, mumu Yehova hambila chisemuko cha utenu wenyi; halitunacho.

Lungungu 4:15

Atu atambikile kuli ayo ngwo, Katukenu akwa luchisa! Katukenu! Katukenu! Kanda nungukwata! Chocho alumukine akwa kuchina, yendanganyi; atu ambile hakachi ka mavungu ngwo, Kechi katwama ni yetu nawa.

Lungungu 5:2

Chihinga chetu hachihana kuli yilambala; mazuwo jetu haahana kuli tundaka.

Ezekiel 27:2

Yena mwana mutu, imba mwaso wa lungungu hali Teru,

Alevi 18:25

Chocho chifuchi hachichisa mba hinaalambila uhenge wacho. Chifuchi hichasaza waze atwamamo.

Alevi 18:28

Kuchina chifuchi muchinusaza ha kuchichisa, ngwe chaasajile ayo akwa vungu lize nwawanyine.

Alevi 20:22

Kashika munufunga yiyulo yami yeswe ni shimbi jami jeswe nikuyilinga, kuchina chifuchi kuze ngunanutwala kutwama muchinusaza.

Mika 2:10

Katukenu, yénu, hi kuno ko munuhasa kuhwimina ha mukunda wa luchisa umwe wa kwonwona ni kwonwonachipi.

Mika 2:4

Ha tangwa lize makanwimbila mwaso wa kuchoka makalila mbimbi ni liji lisasu. Makamba ngwo, Hanatulumbula liakulu. Hanalumuna chihinga cha atu jami. Kanachichiza kuli yami Chichize! Kanapangila minda yetu hakachi ka akwa kutukwata.

Shimbi 28:29

Kumunukapuputa tangwa te ha muchima, ngwe tupuputa akupuputa mu milima. Kunuchi kawaha mu majila jenu, makanumwesa lamba wika, makanuhupa matangwa eswe, kukuchi kapwa niumwe kunulamwina.