Jeremia 9:14 - MUKANDA USANDU WA ZAMBI 1975

¹⁴ hanakaula mbunge jo ene ni pami, nikukaula Ambale nikulita ni longeso lia tulamba two,

Mukanda Wa Zambi 1970

¹⁴ Alioze haanabu akwa pami, haanakombelela mahamba ja Bale ngwe chize aalongesele kuli atato.

Jeremia 9:14 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Jobe 9:18

Keshi kungwecha ngukahwime; kakunguzalisa ni usasu.

Jeremia 11:8

Hindu kononokene chipwe kutela matwi, alioze mutu mweswe wendele ni pami ja mbunge yenyi yipi. Kashika naakokelele maliji eswe a usendo uno naatuminyine, alioze kaalingile.

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 2:23

Kuchi muhasa kwamba ngwe, Chalichishile, chakawile Ambale? Tala jila ye mu chikulo; nyingika chize hiwalinga ngwe chimbembe cha kamelu kanapinji ni kulikonekakoneka.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 23:15

Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Jeremia 23:27

O kakuzanga kuvulamisa atu jami jina liami ni yilota yize akuliawila, chizechene ngwe tulamba two avulamine jina liami mumu hali Mbale.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Lungungu 3:15

Hanguzalisa ni usasu hangukuchisa ni musase.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Galashia 1:14

Nasenyene kulutwe mu Uyunda kuhiana anji a kuli mulietu hakachi ka akwa vungu liami, ni kulinga ni mbunge yeswe kuhiana ha ndongo ja akaka.

Efesu 2:3

Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.

1 Petulu 1:18

se nunanyingika hananukula, hi ni yuma ya kupola ko, ngwe prata hanji oru, ku kwenda chenu chamokomoko, chize anukunjikilecho tulamba twenu;