Jeremia 9:13 - MUKANDA USANDU WA ZAMBI 1975

¹³ Ni Yehova kanambe ngwenyi, Mumu hanehuka shimbi yami yize nasele kumeso jo, kononokene ku liji liami chipwe kwenda nikulita nalio,

Mukanda Wa Zambi 1970

¹³ Mwene Zambi yakumbulula ngwenyi: “Yuma yino yinabu Chenacho mumu atu jami haanehuka longeso liami. Koononokene ko kuli yami ni kaalingile ko chize naambile.

Jeremia 9:13 Iomraidhean Croise

2 Sango Ja Mianangana 7:19

Alioze nyi munutewuluka nikwehuka maliji jami ni shimbi jami jino hinasa kumeso jenu nukaye nikulingila mazambi eka nikwawayila,

Ezra 9:10

Alioze haliapwila, Zambi yetu, yika mutwamba ha chuma chino? Mumu hitwehuka shimbi je,

Miaso (Masamu) 119:53

Utenu wa kusasaminya chikolo hanangukwata mumu hali yingulungulu waze akwehuka shimbi je.

Yishima 28:4

Waze akwehuka shimbi kakuhalisa yingulungulu; alioze akwa kulinga shimbi kakulimika no.

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 22:9

Mba makumbulula ngwo, Mumu ehukile usendo wa Yehova Zambi yo ni kuwayila mazambi eka ni kwalingila.

Jeremia 5:19

Mba muze atu jenu mamba ngwo, Kuchi te Yehova Zambi yetu hatulinga yino yuma yeswe? Ena muwamba kuli ayo ngwe, Chizechene ngwe yenu hinwangwehuka, hinwalingila mazambi a yilambala mu chifuchi chenu, chochene munukalingila yilambala mu chifuchi hi ni chenu ko.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.