Jeremia 9:12 - MUKANDA USANDU WA ZAMBI 1975

¹² Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Mukanda Wa Zambi 1970

¹² Yami yinguhula ngwami: “Aa Mwene Zambi, mumu yika chifuchi hichalialiangana chichize, hichabwa ngwe puya, ni yoze mendela mo nawa wakuhi? Iya uli ni mana a kunyingika yuma yino? Hiunayilumbununa kama kuli iya yoze mahasa kuyilweza akwo?”

Jeremia 9:12 Iomraidhean Croise

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Miaso (Masamu) 107:43

Mweswe kali ni mana manyonga yuma yino, makazewula utu wa zango lia Yehova.

Izaya 42:23

Iya hakachi kenu mapanjika chuma chino? Iya machisa mbunge ni kwivwa ha miaka yize yinezaho?

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 23:16

Yehova-wa-Tujita kanambe ngwenyi, Kanda nupanjika ku maliji ja aprofeta waze akuprofeteza kuli yenu nikunuzalisa ni kutalatala chamokomoko. Kakuhanjika yilota ya mu manyonga jo ene; kahanjikile ni kanwa lia Yehova.

Jeremia 23:22

Alioze nyi kachi apwile mu punga yami, kachi alumbunwine maliji jami kuli atu jami, kachi aatembwile ku jila yo yipi ni ku wupi wa yilinga yo.

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Ezekiel 14:23

O manulembejeka ha kumona ndako jo ni yitanga yo. Mba mununyingika, kumanyi yize nalingile chayilingile chikuma chakuhi. Chocho kanambe Mwene Yehova.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Hosea 4:10

Malia alioze kechi kukuta; malinga ukoi, alioze kechi kuliokesa, mumu hanehuka Yehova akalalaminye ku ukoi.

Joele 1:11

Enu njimi, ivwenu sonyi; enu akwa kululika miuva, lilenu mbimbi mumu ha tiliku ni ha sevada. Mumu mbuto ya mu minda hiyafuwa.

Zefania 3:6

Hinasutula mavungu; yipanga yo ya mawe yinapuzuka. Hinenyeka matapalo jo, chocho niumwe keshi kwendelamo. Yihunda yo hiyalumuka ya hululu; kumushi mutu; kumushi mwenyayo.

Mateu 24:15

Kashika muze munumona chizelwokeso cha kwenyeka chize achihanjikile ku kanwa lia profeta Daniel, kanamana muma musandu (yoze matanga akase chinyingi).

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Usolwelo 1:3

Kawaha yoze matanga, ni waze mevwa maliji a uprofeto, waze mafunga yuma yize yinasonewamo: mumu mwaka hakamwihi uli.