Jeremia 9:11 - MUKANDA USANDU WA ZAMBI 1975

¹¹ Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Mukanda Wa Zambi 1970

¹¹ Mwene Zambi kanambe ngwenyi: “Mungupwisa Yerusaleme mulumba wakwenyeka, muma mwakutwama mikuza; membo ja Ayuda maalumuka puya, muma muze kumwatwamine atu.”

Jeremia 9:11 Iomraidhean Croise

Nehemia 4:2

Yamba kumeso ja usoko wenyi ni tujita twa Samaria ngwenyi, Wano A-Yunda amokomoko yika analingi? Te kumalikolesa? Te kumalambula yitapo? Te kumamanununa tangwa limuwika? Mahasa kuvumbula mawe mu milumba ya yiswaswa muze hawema?

Miaso (Masamu) 107:43

Mweswe kali ni mana manyonga yuma yino, makazewula utu wa zango lia Yehova.

Miaso (Masamu) 44:19

Chipwe hiwatufwenya mu chihela cha mikuza; hiwatuzulamina ni Chizulie cha kufwa.

Miaso (Masamu) 79:1

Zambi, akwa mavungu hanjila mu chihinga che. Hanajitula tembele ye yisandu. Hapwisa Yerusaleme yikulu.

Izaya 13:22

Yimbungu makateta mu tuposhi twako; mikuza makapwoza mu palasiu jako jipema. Tangwa lia yino yuma hiliakundama, matangwa jayo kechi kasuha.

Izaya 25:2

Mumu hiwalumuna chihunda ngwe mulumba wa yiswaswa, chihunda cha kukolesa chapwa cha hululu; mbala ya tundaka kuyapwile chihunda nawa, kechi kayitunga nilimwe tangwa.

Izaya 34:13

Mingonga muyikasoka ha mbonge jacho, ni mazo-a-lunoka ni mikalale ku mbonge jacho ja kukolesa. Kumuchikapwa wendelo wa mikuza ni zuwo lia yikungulu.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 1:15

Mumu Yehova kanambe ngwenyi, Ngunasanyika minyachi yeswe ya mawanangana a ku Norte. Kumakeza mba mweswe hakachi ko masa ngunja yenyi ku unjililo wa yikolo ya Yerusaleme, kulimika ni yipanga-ya-mawe yayo yeswe ya kujingilika ni yihunda yeswe ya Yunda.

Jeremia 10:22

Ivwenu lufuma umwe! Kuchineza! Chizungozungo cha ku chifuchi cha Norte, yihunda ya Yunda yikalumuke ya hululu, yipombelo ya mikuza.

Jeremia 16:10

Ha kwambulwila wano atu maliji ano eswe, o mamba kuli yena ngwo, Kuchi te Yehova hanambe yipi yino yinene yeswe hali yetu? Uhenge wetu uka? Mulonga uze twavulumuna Yehova Zambi yetu uka?

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 25:18

Ngwami, Yerusaleme ni yihunda ya mu Yunda, ni mianangana ni alemu jayo, akayenyeke ni kuyipwisa ya hululu, ni kuyunga, ni shingo ngwe tangwa lino.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 26:9

Kuchi te hiwaprofeteza mu jina lia Yehova ngwe, Zuwo lino mulipwa ngwe Shilo, ni chihunda chino muchipwa cha woya, kuchishi atu? Mba atu eswe yaseleka Jeremia mwe mu zuwo lia Yehova.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 44:2

Yehova-wa-Tujita, Zambi ya Izalele kanambe ngwenyi, Hinwamona yikalu yeswe nakokele ha Yerusaleme ni ha yihunda yeswe ya Yunda. Musono hiyapwa ya hululu; niumwe keshimo wakuhi,

Jeremia 49:33

Hazore muyikalumuka wendelo wa mikuza kanda puya ya mutolo. Niumwe matungako, niumwe matwamako njize.

Jeremia 50:3

Mumu ku Norte hikwakatuka limwe vungu hilieza kulimika nenyi. Kumakenyeka chifuchi chenyi; niumwe masalamo. Ni atu ni tushitu machinamo.

Jeremia 51:37

Mba Babilonia muyalumuka mulumba wa yipuzu. Muyipwa wendelo wa mikuza, kanda chuma cha mwongo ni cha kusoza ni yoze matwamamo wakuhi.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Lungungu 3:47

Mwongo ni mawumbu hiyatuwana ni kwenyeka ni kwonwona.

Alevi 26:32

Mungwenyeka chifuchi, chocho chipwe akwa kole jenu aze meza kutwamamo malishimwoka.

Mika 1:6

Kashika mungupwisa Samaria mulumba mu chifuchi cha washi, kuma kwa kulimina minda ya uva. Munguzukula mawe jenyi mu chikulo ni kufukula fundamentu jenyi.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

Usolwelo 18:2

Iye wakololokele ni liji lia ngolo ngwenyi, Babilonia hiyapuzuka, hiyapuzuka, hiyapwa muma mwa kutwama mwa andemoniu, ni zuwo lia ususu lia maspiritu eswe a luchisa, ni zuwo lia ususu lia tujila eswe a luchisa ni tujila eswe api.