Jeremia 8:8 - MUKANDA USANDU WA ZAMBI 1975

⁸ Kuchi munuhasa kwamba ngwenu, Tuli akwa mana, ni shimbi ya Yehova tuli nayo? Talenu chisonekeso cha kwonga cha akwa kusonyeka hichinayalumuna mu mahuza.

Mukanda Wa Zambi 1970

⁸ Mba ngwe kuchi munuhasa kulisamba ngwenu, nuli akwa mana, nunanyingika Shimbi jami? Talenu, alongeshi a uhenge haalumuna Shimbi jami.

Jeremia 8:8 Iomraidhean Croise

Jobe 11:12

Alioze chelo malilongesa mana, chipwe mutu kakusemuka ngwe mwana wa chimbulu wa mu yambu.

Jobe 12:20

Kakukukumisa ngaji; kakujimisa mana ja makulwana.

Miaso (Masamu) 147:19

Kakulweza liji lienyi kuli Yakomba, ni yiyulo yenyi ni upatwilo wenyi kakuyilweza kuli Izalele.

Yishima 17:6

Ajikulu kapwa chipangula cha makulwana; uhenya wa ana, atato.

Izaya 43:27

Kalamba kenu mutangu wavulumwine, ni mahako jenu atangwile shimbi jami.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 48:14

Kuchi nwakwamba ngwenu, Tuli akwa kukumba tuli tujita a ndundo?

Hosea 8:12

Chipwe mungumusonekena shimbi jami ha kumi lia tununu, hindu malimona ngwe chuma cheka.

Mateu 15:6

Mba kuchamutambile kulemesa nichimwe tato hanji naye. Hinunalelesa liji lia Zambi mumu ha ndongo jenu.

Yoano 9:41

Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.

A-ROMA 1:22

Shimbu malivulwoka akwa mana, alumukine yihepuke.