Jeremia 8:6 - MUKANDA USANDU WA ZAMBI 1975

⁶ Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Mukanda Wa Zambi 1970

⁶ Nabanjikile, alioze kunwahanjikile ko umwenemwene. Niumwe wa kuli yenu wevwile chinyengo mumu ha shili yenyi; niumwe wahulile kama ngwenyi; ‘Chibi chika ngunakalinga kama?’ Alioze mutu ni mutu kakuya mu jila yenyi mwene, ngwe chize kavwalu akunjila mu jita.

Jeremia 8:6 Iomraidhean Croise

Jobe 10:2

Mungwamba kuli Zambi ngwami, Kanda unguhisa lume. Ngulweze kama chize unguli nacho.

Jobe 34:31

Te umwe hamba kuli Zambi ngwenyi, Hinalihumkiza ha kungufumba chichi kuvulumuna nawa;

Jobe 34:32

ngulongese chize chamwene; nyi hinalinga uhenge chichi kuchilinga nawa?

Miaso (Masamu) 14:2

Zambi mwilu kakutala hali ana ja atu, akamone nyi kachi kwali amwe akulinga ni mana, hanji amwe akufupa Zambi.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 57:17

Mumu ha uhenge wa chipululu chenyi natenukine, namulambile, nafukile meso jami ni utenu, hindu wayile nikukokoloka mu jila ya mbunge yenyi mwene.

Izaya 59:16

Yamona, mutu wakuhi, yakomoka kukushi hako. Mba kwoko lienyi mwene yilimunehena kukumba; ululi wenyi yiumujikijisa.

Jeremia 23:25

Hinevwa aprofeta ha kuprofeteza mahuza mu jina liami ngwo, Hinalota, hinalota!

Jeremia 3:5

te matenuka matangwa eswe? Mapwa ni matoto ndo ku songo? Kuhanjika hiwahanjika, alioze hiwalinga chipi cheswe hiwahasa.

Jeremia 5:1

Zomboka mu matapalo ja Yerusaleme sali ni sali. Tala kanawa uzewule. Fupa mu malindalinda jenyi nyi muhasa kuwana lunga umuwika, yoze wakulinga chize chinalite, kakufupa umwenemwene; hanga ngukonekene chihunda.

Ezekiel 18:28

Mumu hanyonga, hahichika Utanguko uze weswe halinga, kashika kumakatwama ni mwono; kechi kafwa.

Ezekiel 22:30

Ami yingufupa umwe hakachi ko, mutu yoze matunga nawa chipanga-cha-mawe, ni kumana mu chituwa kumeso jami kulamwina chifuchi, kanda nguchonwona, alioze chawanyine niumwe.

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

Hagai 1:5

Kashika Yehova-wa-Tujita kanambe ngwenyi, Nyongenu ha majila jenu!

Hagai 1:7

Yehova-wa-Tujita kanambe ngwenyi, Nyongenu majila jenu!

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

2 Petulu 3:9

Mwene keshi kuvumiwa ni chilakenyo chenyi, ngwe amwe akunyonga kupwa kuvuma; aiioze iye chihomboloji kuli yenu, se kazangile niumwe kutoka, aiioze eswe alikonyeke.

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda: