Jeremia 8:5 - MUKANDA USANDU WA ZAMBI 1975

⁵ Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Mukanda Wa Zambi 1970

⁵ Mba kuchi kevwe yenu atu jami hinunapianguka chichize, kunushi kuhiluka nawa? Nwakulalaminya ku mahamba jenu nikulituna kuhiluka kuli yami.

Jeremia 8:5 Iomraidhean Croise

Yishima 4:13

Kakaminya ku kufumba chami, kanda uchehuka. Uchifunge kanawa mumu chapwa mwono we.

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Izaya 30:10

Kuli akwa kumona kakwamba ngwo, Kanda numona! Ni kuli aprofeta kakwamba ngwo, Kanda nuprofeteza kuli yetu chize Chinapeme. Hanjikenu kuli yetu yuma ya kupepieka, profetezenu yuma ya kulitambila.

Izaya 44:20

Kakulia uto, mutwe wenyi wa kwongoloka hiwamupiangula; kahashile kulipulula, hanji kwamba ngwenyi, Chongo nguli nacho mu kwoko liami lia chindume.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 3:5

te matenuka matangwa eswe? Mapwa ni matoto ndo ku songo? Kuhanjika hiwahanjika, alioze hiwalinga chipi cheswe hiwahasa.

Jeremia 5:27

Mazuwo jo hazala ni mafwefwe ngwe mutonga wa tujila, kashika hapwa alemu pichi.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Jeremia 9:6

Kakulumbieka kupinjisa ha kupinjisa, kakulumbieka kwonga ha kwonga. Kasolo kungunyingika. Chocho kanambe Yehova.

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 13:2

Ni haliapwila kanaliwezela uvulumunyi weka ni weka nikulilingila tuponya twa kuzuzulula, ni mahamba a kulinga ni utotombo ni prata yo. Yeswe, milimo ya yilangaji. Shihilenu yitapo kuli wano ngwo, Atu kakumbejala ana a ngombe!

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.

Yoano 5:40

alioze kunusolo kwiza kuli yami, hanga nukapwe ni mwono.

1 Tesalonika 5:21

alioze esekenu yuma yeswe; kakaminyenu ku yize yinapeme.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Usolwelo 2:25

Hindu chize uli nacho chilalaminyenu ndo mungwiza.