Jeremia 8:4 - MUKANDA USANDU WA ZAMBI 1975

⁴ Muwamba kuli ayo ngwe, Yehova kanambe ngwenyi, Muze malunga akulimbuka, te keshi kuhinduka nawa? Nyi umwe mapianguka, keshi kuhiluka?

Mukanda Wa Zambi 1970

⁴ Mwene Zambi yangwamba ngulweze atu jenyi ngwenyi: “Muze umwe malimbuka, kechi kuhinduka nawa, nyi? Nyi ngwe umwe hapianguka mu jila, keshi kuhiluka nawa, nyi?

Jeremia 8:4 Iomraidhean Croise

1 Yitanga Ya Mianangana 8:38

mba kulemba cheswacho cha mutu umwe, hanji cha atu je eswe A-Izalele, mutu mweswe ha kunyingika chilungo chenyi, ni chinyengo chenyi, te cheswacho makumba, nikuzoza moko jenyi ku zuwo lino,

Yishima 24:16

Mumu mukwa ululi makalimbuka yisuho shimbiali hindu makatuka nawa; alioze yingulungulu kakwanunguna mu lamba.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Ezekiel 18:23

Mwene Yehova kanambe ngwenyi, Te nakuwahilila ni kufwa cha chingulungulu? Chazangile te akahichike ndako jenyi akatwame ni mwono?

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Hosea 7:10

Kulengumuka cha Izalele chakumushindakenya hindu kahilukile kuli Yehova Zambi yo, chipwe kumufupa ha yino yuma yeswe.

Amose 5:2

Mwe *virgem Izalele halimbuka kechi kakatuka nawa. Hamwehuka mu chifuchi chenyi ni yoze mamuhindwisa wakuhi.

Mika 7:8

Ena mukwa kole yami, kanda unguyunga. Chipwe mungulimbuka hindu munguhinduka nawa. Chipwe mungutwama mu milima Yehova mapwa pangu kuli yami.