Jeremia 8:2 - MUKANDA USANDU WA ZAMBI 1975

² Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Mukanda Wa Zambi 1970

² Yifwaha yize keechi kayikunga ni kuyifunda, alioze muyikabwa ngwe pinga. Kumaakayimwanga kulutwe lia tangwa ni kakweji, ni matongonoshi, yuma yino te atu akuzanga kulingila, ni kuyivulwoka ni kuyikombelela.

Jeremia 8:2 Iomraidhean Croise

1 MIANANGANA 17:16

Ehukile shimbi jeswe ja Yehova Zambi yo nikulilingila tuponya twa kuzuzulula, te ana-a-ngombe aali. Alingile Ashera nawa, nikuwayila mbunga yeswe ya mwilu, nikuvumbika Mbale.

1 MIANANGANA 21:3

Watungile cheka nawa manangamo aze tato Hezekia wapuzwile. Watungile yilumbilo kuli Mbale; walingile umwe Ashera ngwe Ahabe mwanangana wa Izalele. Wawayilile mbunga yeswe ya mwilu nikwalingila.

1 MIANANGANA 21:5

Watungile yilumbilo ya mbunga yeswe ya mwilu mu maze aali a zuwo lia Yehova.

1 MIANANGANA 23:5

Yamanununa asasendote ja mahamba, waze mianangana ja Yunda hatongola kwocha insensu ha manangamo mu yihunda ya Yunda, ni mu yihela ya kujingilika Yerusaleme; ni waze nawa ochelele insensu Mbale, ni tangwa, ni kakweji, ni matongonoshi anene ni mbunga yeswe ya mwilu.

Miaso (Masamu) 53:5

Apwile ni woma wunji, kuze te kukushi woma, mumu Zambi hanamwange yifwaha ya waze akuselekele. Hiunaakolesa sonyi mumu Zambi hanalitunuo.

Miaso (Masamu) 83:10

Anongene ku Endore. Alumukine ngwe wilo wa kusa ha mavu.

Miaso (Masamu) 83:11

Pwisa yilolo jo ngwe Orepe ni Zepe, ewa, mianangana jo eswe akapwe ngwe Zeba ni Zalumuna.

Longeshi 6:3

Chipwe mutu masema kulakaji lia ana, akatwame miaka yinji, matangwa a miaka yenyi oke hindu mbunge yenyi kuyayukile ni yipema ni kamufunjile kanawa, ami namona ngwe mwana wa kuselumuna Shinaho.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 16:11

Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 16:6

Ni anene ni akepe mafwa mu chifuchi chino. Kechi kwafunda; kechi kwalila; niumwe malilemeka mumu hali ayo chipwe kulitewula.

Jeremia 19:13

Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Jeremia 22:19

Mamufunda ngwe kufunda cha chimbulu, cha kumumbulumuna haze lia yikolo ya Yerusaleme.

Jeremia 25:33

Waze maashiha kuli Yehova ha tangwa lize mapwa chize ku songo limwe lia hashi ndo ku songo likwo. Kechi kaalila, chipwe kwakunga, chipwe kwafunda, alioze mapwa ngwe wilo ha mavu.

Jeremia 31:40

Mungulunga weswe wa mijimba ya afu, ni we uto, ni minda yeswe ndo ku chitwetwe cha Kendrone, ndo ku mbango ya chikolo cha tuvwalu kutalikisa ku Chivumbuko, cheswe muchipwa chisandu kuli Yehova. Kechi kachitukula hanji kuchinunguna nawa ndo ku miaka.

Jeremia 36:30

Kashika ha kutwala kuli Jehoakime mwanangana wa Yunda Yehova kanambe ngwenyi, Kechi kupwa ni mutu kutwama ha ngunja ya David; chikwo nawa mujimba wenyi wa kufwa makaumbila ha chivukuminya cha mwalwa ni chishika cha ufuku.

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Jeremia 9:22

Amba ngwe, Yehova kanambe ngwenyi, Mijimba ya malunga afu muyilimbuka hashi ngwe wilo. Muyiholoka ngwe yichita kuli mukwa kucha, mba niumwe mayanda,

Ezekiel 29:5

Mungukakumbila mu puya, ni yena ni yishi eswe a mu njiji je; kumunukalimbukila mu yambu, kechi kunukunga hanji kunufunda. Hinanuhana kuli tushitu a hashi ni tujila a mu tetela nukapwe kulia kuli ayo.

Ezekiel 39:5

Kumakalimbuka mwe mu yambu mumu yami hinachamba. Chocho kanambe Mwene Yehova.

Ezekiel 6:5

Mungukapombesa mijimba ya afu ja A-Izalele kumeso ja mahamba jo. Mungukamwanga yifwaha yenu kweswe kwa kujingilika yilumbilo yenu.

Ezekiel 8:16

Yanguneha ndo ku yize ya zuwo lia Yehova ya muchima, kumanyi ku chikolo cha tembele ya Yehova hakachi ka senge ni chilumbilo kwamanyine ngwe makumi aali a malunga ni malunga atano. Kanombo manyima jo ku tembele ya Yehova; meso jo kanatalikisa ku Chivumbuko nikuwayila tangwa ku Chivumbuko.

Zefania 1:17

Hali atu mungukokela kupinda, chocho kumakenda ngwe tupuputa, mumu hanavulumuna Yehova. Makazukula manyinga jo ngwe fufuta, ni musunya wo ngwe tuji.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Yilinga 7:42

Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo, Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?

Shimbi 17:3

te haya ni kuvumbika tuzambi tweka, hatuwayila, chipwe hawayita tangwa chipwe kakweji, chipwe chimwe cha chizavu cha malilu chanwambileyo,

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.